ٸٸم قىلمىستىق-اتقارۋ جٷيەسٸ كوميتەتٸنٸڭ تٶراعاسى ازامات بازىلبەكوۆ 10 جىلعا سوتتالعان بۇرىنعى ۇلتتىق ەكونوميكا مينيسترٸ قۋاندىق بيشٸمباەۆ جازاسىن قاي تٷزەۋ مەكەمەسٸندە ٶتەيتٸنٸ تۋرالى ايتتى, دەپ حابارلايدى قازاقپارات تٸلشٸسٸ.
«استاناداعى ماكسيمالدى قاۋٸپسٸزدٸكتەگٸ بٸردەن-بٸر كولونييا - 166/10 تٷزەۋ كولونيياسى», - دەدٸ استانادا قىلمىستىق-اتقارۋ جٷيەسٸ بويىنشا ٶتكەن قوعامدىق تىڭداۋدا جۋرناليستەر سۇراعىنا جاۋاپ بەرگەن بازىلبەكوۆ.
ونىڭ ايتۋىنشا, سوتتالعان بۇرىنعى مينيسترگە ەشقانداي ارتىقشىلىقتار بەرٸلمەيدٸ.
«بٸز بۇعان دەيٸنگٸ ساباق بولعاندىقتان, سوتتالۋشىلارعا قانداي دا بٸر ارتىقشىلىقتاردىڭ بەرٸلمەۋٸن قاتاڭ تٷردە باقىلايتىن بولامىز. رۇقسات ەتٸلەتٸن نورما بويىنشا - ونىڭ ٶمٸر سٷرۋٸنە 3,5 شارشى مەتردەن كەم ەمەس ورىن, ماۋسىمدىق كيٸم, ٷش ۋاقىت تاماق, مەديتسينالىق كٶمەك بەرٸلەدٸ. مەكەمە باراق تيپتەس. ول 50-60 ورىنعا ارنالعان», - دەدٸ ول.
ەسكە سالا كەتسەك, 14 ناۋرىز كٷنٸ استانا قالاسى قىلمىستىق ٸستەر بويىنشا مامانداندىرىلعان اۋدانارالىق سوتىندا بۇرىنعى ۇلتتىق ەكونوميكا مينيسترٸ قۋاندىق بيشٸمباەۆ پەن وسى ٸسكە قاتىستى ٶزگە دە سوتتالۋشىلارعا سوت ٷكٸمٸ شىققان بولاتىن. ٷكٸم بويىنشا بيشٸمباەۆ 10 جىلعا سوتتالدى.
