«قازاقستاندا ٶرتەنگەن ورمانداردىڭ اۋماعى شامامەن 10 سينگاپۋردىڭ نەمەسە 3 ليۋكسەمبۋرگتٸڭ اۋماعىنا تەڭ» دەپ مەلٸمدەدٸ پارلامەنت مەجٸلٸسٸ دەپۋتاتى رۋسلان بەردەنوۆ 12 اقپاندا ٶتكەن ٷكٸمەت ساعاتىندا. بۇل تۋرالى "ۇلت اقپارات" حابارلايدى.
«ەلٸمٸزدەگٸ 30 ملن گەكتارىنان استام ورمان قورىندا جىلىنا مىڭعا جۋىق ٶرت شىعۋ فاكتٸلەرٸ انىقتالادى. سوڭعى 5 جىلدا 610 مىڭ گەكتار ورمان جانىپ كەتكەن. سالىستىرمالى تٷردە جانعان اۋماق 10 سينگاپۋردىڭ نەمەسە 3 ليۋكسەمبۋرگتٸڭ اۋماعىنا تەڭ. ٶرتتٸڭ سالدارىنان كٶز جۇمعان ازاماتتار, ٷي-كٷيٸنەن ايىرىلعان جانۇيالار, تٸرٸدەي جانىپ كەتكەن قىزىلكٸتاپتاعى جابايى اڭ مەن ٶسٸمدٸك رەسۋرستارى جويىلۋدا. 5 جىلدا ورمان ٶرتٸ مەملەكەتكە 30 ملرد تەڭگە شىعىن كەلتٸردٸ", - دەدٸ رۋسلان بەردەنوۆ.
دەپۋتاتتىڭ ايتۋىنشا, جٸبەرٸلگەن قاتەلٸكتەر از ەمەس. سالاعا كٶڭٸل بٶلٸپ, ناقتى ٶزگەرٸستەر مەن قاتاڭ قاداعالاۋ قاجەتتٸلٸگٸن بىلتىرعى قايعىلى اباي وبلىسىنداعى 63,5 مىڭ گەكتار, قوستانايداعى 40 مىڭ گەكتار ورماننىڭ ٶرتەنۋٸ مەن جازىقسىز جانىپ كەتكەن 14 ادامنىڭ تاعدىرى دەلەل.
"جالپى حالىقتىڭ تٶتەنشە جاعدايلار مينيسترلٸگٸنٸڭ جۇمىسىنا الاڭداتۋشىلىق بٸلدٸرەتٸنٸن ەسكەرٸڭٸزدەر. الماتىداعى جەر سٸلكٸنٸسٸ كەزٸندە سيرەنانىڭ قوسىلماعانى, بايلانىس وپەراتورلارىنان حابارلاما كەلمەگەنٸ, سەيسمولوگييا ينستيتۋتى جۇمىسىنا كٶپ سۇراق تۋىندايدى. وعان قانداي كەدەرگٸلەر بار? بۇل مەسەلەنٸ بٸرلەسٸپ, سالانى قاجەتتٸ دەڭگەيگە جەتكٸزۋگە جۇمىس ٸستەۋگە شاقىرامىن", - دەدٸ دەپۋتات.
سونداي-اق, دەپۋتات الماتى قالاسىنداعى تاۋ-سامالى شاعىن اۋدانىندا بولعان جاعدايعا نازار اۋداردى.
"وقيعانى ەرٸگەن سۋ, جاڭبىر نەمەسە جەر استى سۋلارىنىڭ قانىعۋىنا بايلانىستى توپىراق قاباتىنىڭ تٶمەن قاراي جىلجۋى دەپ سيپاتتادى. وسىنداي ايماقتاردا بارلاۋ نەمەسە بولجاۋ جۇمىستارى جٷرگٸزٸلەدٸ مە? بٸز بٷگٸن مەسەلەنٸڭ سالدارىمەن كٷرەسۋدٸ ەدەتكە اينالدىردىق. قايعىلى وقيعانىڭ الدىن الۋ ٷشٸن قاۋٸپتٸ ايماقتاردى زەرتتەپ, بولجاۋ جۇمىستارىن جٷرگٸزۋ قاجەت دەپ سانايمىن", - دەدٸ رۋسلان بەردەنوۆ ٶز كەزەگٸندە.
