بٸرىڭعاي جيناقتاۋشى زەينەتاقى قورى 1 سەۋٸردەن باستاپ بٸرجولعى زەينەتاقى تٶلەمدەرٸ قالاي جٷزەگە اسىرىلاتىنىن تٷسٸندٸردٸ, دەپ حابارلايدى قازاقپارات.
بيىل 1 سەۋٸردەن باستاپ 2022 جىلعا ەسەپتەلگەن زەينەتاقى جيناقتارىنىڭ ەڭ تٶمەنگٸ جەتكٸلٸكتٸلٸك شەگٸ كٷشٸنە ەنەدٸ. بۇعان دەيٸن پرەزيدەنت قاسىم-جومارت توقاەۆتىڭ تاپسىرماسىن ورىنداۋ ٷشٸن قر ٷكٸمەتٸنٸڭ 2021 جىلعى 13 جەلتوقسانداعى №875 قاۋلىسىمەن 2021 جىلعا ەسەپتەلگەن تٶمەنگٸ جەتكٸلٸكتٸلٸك شەگٸن قولدانۋ مەرزٸمٸ 2022 جىلدىڭ 1 سەۋٸرٸنە دەيٸن ۇزارتىلدى.
«زەينەتاقى جيناقتارىنىڭ بٸر بٶلٸگٸن پايدالانۋ قۇقىعىن ٸسكە اسىرۋ ٷشٸن سالىمشى تۇرعىن ٷي جاعدايىن جاقسارتۋ جەنە (نەمەسە) ەمدەلۋگە اقى تٶلەۋ ماقساتىندا الۋعا قولجەتٸمدٸ زەينەتاقى جيناقتارىنىڭ بار-جوعىنا كٶز جەتكٸزۋٸ تيٸس. مۇنى enpf.kz سايتى نەمەسە بجزق موبيلدٸ قوسىمشاسىنداعى جەكە كابينەتتەن جەنە egov پورتالى مەن موبيلدٸ قوسىمشاسىنان كٶرۋگە بولادى. ودان ەرٸ سالىمشى زەينەتاقى جيناقتارىنىڭ بٸر بٶلٸگٸن پايدالانۋ تۋرالى شەشٸم قابىلداعان جاعدايدا, ۋەكٸلەتتٸ وپەراتورلاردىڭ ينتەرنەت-رەسۋرسى ارقىلى الدىن الا ٶتٸنٸش بەرگەنٸ جٶن. بٷگٸندە تۇرعىن ٷي جاعدايىن جاقسارتۋعا ارنالعان بٸرجولعى زەينەتاقى تٶلەمدەرٸنە ٶتٸنٸشتەر قابىلدايتىن ۋەكٸلەتتٸ وپەراتورلار: «وتباسى بانك» تۇرعىن ٷي قۇرىلىس جيناق بانكٸ» اق, «قازاقستان حالىق بانكٸ» اق, «Altyn Bank» اق, «بانك تسەنتركرەديت» اق جەنە «بانك فريدوم فينانس قازاقستان» اق, ەمدەلۋگە «وتباسى بانك» تۇرعىن ٷي قۇرىلىس جيناق بانكٸ» اق بولىپ وتىر», - دەپ جازىلعان بجزق حابارلاماسىندا.
ۋەكٸلەتتٸ وپەراتور بٸرجولعى زەينەتاقى تٶلەمٸن الۋ تۋرالى ٶتٸنٸشتٸ قاراعاننان كەيٸن 2 جۇمىس كٷنٸندە بجزق-عا ەلەكتروندى حابارلاما جٸبەرەدٸ. بجزق تاراپىنان الۋعا قولجەتٸمدٸ قاراجات تەكسەرٸلەدٸ, مۇندا ۋەكٸلەتتٸ وپەراتوردان ەلەكتروندى حابارلاما كەلٸپ تٷسكەن كٷنگٸ تٶمەنگٸ جەتكٸلٸكتٸلٸك شەگٸ ەسكەرٸلەدٸ. بجزق ەلەكتروندى حابارلاما كەلٸپ تٷسكەن كٷننەن باستاپ, بەس جۇمىس كٷنٸ ٸشٸندە ۋەكٸلەتتٸ وپەراتورعا الۋشىنىڭ ارنايى شوتىنا بٸرجولعى زەينەتاقى تٶلەمٸن اۋدارادى.
نازار اۋدارارلىق جايت – 2022 جىلعا ارنالعان تٶمەنگٸ جەتكٸلٸكتٸلٸك شەگٸ 2022 جىلدىڭ 1 سەۋٸرٸنەن باستاپ كٷشٸنە ەنەتٸندٸكتەن, بجزق ۋەكٸلەتتٸ وپەراتورلاردان بجزق-عا 2022 جىلدىڭ 31 ناۋرىزىنا دەيٸن كەلٸپ تٷسكەن ٶتٸنٸشتەر بويىنشا 2021 جىلعا ەسەپتەلگەن تٶمەنگٸ جەتكٸلٸكتٸلٸك شەگٸنە سەيكەس بٸرجولعى زەينەتاقى تٶلەمدەرٸن جٷرگٸزەدٸ.
«قازاقستان رەسپۋبليكاسىندا زەينەتاقىمەن قامسىزداندىرۋ تۋرالى» زاڭدا تٶمەنگٸ جەتكٸلٸكتٸلٸك شەگٸ – قر ٷكٸمەتٸ بەكٸتكەن ەدٸستەمەگە سەيكەس ايقىندالعان مٸندەتتٸ زەينەتاقى جارنالارى جەنە مٸندەتتٸ كەسٸپتٸك زەينەتاقى جارنالارى ەسەبٸنەن قالىپتاستىرىلعان زەينەتاقى جيناقتارىنىڭ ەڭ تٶمەنگٸ مٶلشەرٸ دەپ ايقىندالعان. تٶمەنگٸ جەتكٸلٸكتٸلٸك شەكتٸ ايقىنداۋ ەدٸستەمەسٸ قر ٷكٸمەتٸنٸڭ 2013 جىلعى 2 قازانداعى №1042 قاۋلىسىمەن (2021 جىلعى 6 قاڭتارداعى ٶزگەرٸستەرٸ مەن تولىقتىرۋلارىمەن) بەكٸتٸلگەن.
ەدٸستەمەگە سەيكەس, تٶمەنگٸ جەتكٸلٸكتٸلٸك شەك مٶلشەرٸ جىل سايىن ەر جاس ٷشٸن ەسەپتەلەدٸ جەنە بولاشاق زەينەتاقى تٶلەمدەرٸ مەن زەينەتاقى جارنالارىنىڭ ٶسۋٸن (يندەكستەلۋٸن) ەسكەرەدٸ. بۇل رەتتە قر «رەسپۋبليكالىق بيۋدجەت تۋرالى» زاڭىنا سەيكەس, جىل سايىن يندەكستەلەتٸن ەڭ تٶمەنگٸ جالاقى, ەڭ تٶمەنگٸ زەينەتاقى, بازالىق زەينەتاقى تٶلەمٸنٸڭ ەڭ تٶمەنگٸ مٶلشەرٸ سيياقتى ەلەۋمەتتٸك كٶرسەتكٸشتەر پايدالانىلادى.
ەسكە سالا كەتەيٸك, بٸرىڭعاي جيناقتاۋشى زەينەتاقى قورىنىڭ مەلٸمەتٸنشە, 2021 جىلدىڭ قاڭتارى مەن وسى جىلدىڭ 1 ناۋرىزى ارالىعىندا 967 853 قازاقستاندىق زەينەتاقى جيناعىنىڭ شەكتٸ مٶلشەردەن اساتىن سوماسىن ٷي جاعدايىن جاقسارتۋعا الۋ ٷشٸن ٶتٸنٸم بەردٸ. ولارعا قوردان 2,7 ترلن تەڭگە قارجى اۋدارىلدى.
بۇل رەتتە بٸرجولعى زەينەتاقى تٶلەمدەرٸنٸڭ ورتاشا سوماسى 3,1 ملن تەڭگە بولدى. زەينەتاقى جيناعىن العانداردىڭ باسىم كٶپشٸلٸگٸ الماتى, نۇر-سۇلتان قالالارىنىڭ جەنە ماڭعىستاۋ وبلىسىنىڭ تۇرعىندارى.
