Zyrian aýdany men qalasy túbegeili Altai dep atalatyn boldy. Bul týraly Shyǵys Qazaqstan oblysynyń ákimi Danial Ahmetov óńirlik «Altai» telearnasynda ótken tikelei efir barysynda málimdedi, dep habarlaidy "Ult aqparat".
Óńirlik «Altai» arnasyndaǵy jyl jetistikterin qorytyndylaǵan tikelei efirde Danial Ahmetov budan bylai Zyrian aýdany men qalasyn Altai dep atai berýge bolatynyn atady.
«Zyrian aýdanynda Turǵysyn sý elektr stansasy salynyp jatyr. Endi bul aýdandy Altai dei bersek te bolady» - dedi oblys ákimi.
Onyń aitýynsha, aýdan men qalanyń atyn aýystyrý týraly Úkimettiń tiisti qaýlysy da shyqqan.
«Bir kún buryn ǵana Zyrian aýdany men qalasyn Altai dep ataýǵa negiz bolatyn Úkimet qaýlysyna qol qoiyldy. Oblysta 8000-ǵa jýyq kóshe bar. Biyl sonyń 314-in jańaladyq» - dedi Danial Ahmetov.
Osydan úsh ai buryn bul másele qoǵamdyq tyńdaýda talqylanyp, aýdandyq máslihat depýtattary men jergilikti qoǵamdyq uiym músheleriniń qoldaýymen respýblikalyq onomastikalyq komissiia qaraýyna jiberilgen bolatyn.
