Jezqazǵan mańynda zymyran qirandysy qulaǵan jerdegi alapat órt túsirilgen video paida boldy, - dep habarlaidy kaz.tengrinews.kz tilshisi. Aita keteiik, órtti sóndirý kezinde bir adamnyń kúiik shalyp, qaza tapqany, taǵy bir adamnyń aýyr jaǵdaida aýrýhanaǵa túskeni belgili boldy.
Órt shalǵan aýmaq 10 myń gektarǵa jetken. Qaraǵandy oblystyq TJD ókilderi zymyran tasyǵyshy ushyrylǵan kezde qandai otyn túri qoldanylǵanyn naqtylady.
"Ushyrylǵan zymyran tasyǵyshy kerosin qoldanǵan. Anyqtama: "Soiýz" zymyran tasyǵyshy kerosin otynymen ushady, al "Proton" zymyran tasyǵyny geptilmen ushady", - dep habarlady oblystyq TJD ókilderi.
QR Qorǵanys jáne aeroǵarysh ónerkásibi ministrliginiń baspasóz qyzmetindegiler qaza tapqan er adamnyń Reseidiń órt sóndirý uiymynyń jumysshysy ekenin habarlaǵan. "Ol jerde adamdar bolǵan joq. Kútpegen jaǵdai bolyp, bir adam qaza tapty. Ol órtti sóndirý kezinde qaza tapty. Órt sóndirildi. Adam ólimine qatysty tergeýmen ministrlik reseilik tarappen birge ainalysatyn bolady. Sebebi qaza tapqan jumysshy Reseidiń órt sóndirý uiymynyń jumysshysy bolyp sanalady", - dedi baspasóz qyzmetindegiler. Adam ólimi deregi boiynsha tekseris júrgizilip jatyr.
Eske salaiyq, 14 maýsymda keshki ýaqytta qoldanýshylar WhatsApp messendjeri arqyly Jezqazǵan mańyndaǵy Talap aýylyna zymyran qulaǵany týraly habar tarai bastady. Habarlamada qirandyda geptil (adam ómirine óte qaýipti himiialyq ýly zat) bar delindi. Aýyl turǵyndaryna esik pen terezelerdi jabý kerektigi jáne balalardy kóshege shyǵarmaý týraly eskertý jasaldy. Alaida keiin QR TJK resmi ókili Rýslan Imanqulov qirandyda geptil joq ekenin jáne munyń naqty málimet ekenin málimdegen edi.
Eskertý! Videoda bylapyt sózder aitylady!
