Reseidiń Tatarstan Respýblikasynda adam shoshyrlyq jol-kólik oqiǵasy bolyp, alty adam qaza tapty. Aldyn ala málimet boiynsha, kólikte 15-16 jastaǵy jasóspirimder otyrǵan, dep habarlaidy ult.kz.
Qaiǵyly oqiǵa Zelenodolsk qalasynda bolǵan. Jeńil kólik joǵary jyldamdyqpen aǵashqa soǵylyp, soqqydan keiin birden órtke oranǵan. Saldarynan júrgizýshi men bes jolaýshy oqiǵa ornynda kóz jumdy.
Apattan tek 15 jastaǵy bir jasóspirim ǵana aman qalǵan. Dárigerlerdiń aitýynsha, onyń denesiniń shamamen 30 paiyzy kúiip qalǵan. Zardap shekken jasóspirim aýrýhanaǵa jetkizilip, qajetti meditsinalyq kómek kórsetilýde. Ol esin bilgenimen, aýyr psihologiialyq kúizelistiń saldarynan kólikti kim basqarǵanyn ázirge aita almaǵan.
Qaza bolǵandardyń deneleri qatty kúiip ketkendikten, olardyń jeke basyn anyqtaý úshin genetikalyq saraptama taǵaiyndalǵan.
Tatarstan prokýratýrasynyń málimetinshe, jol apaty 24 shildege qaraǵan túni Zelenodolsk qalasyndaǵy Voljskaia kóshesinde bolǵan.
Keiin quqyq qorǵaý organdary kólikti júrgizýshi kýáligi joq 30 jastaǵy er adamnyń basqarǵanyn habarlady. Atalǵan derekke bailanysty Resei Qylmystyq kodeksiniń 264-babynyń 5-bóligi boiynsha, jol qozǵalysy erejesin buzý saldarynan eki nemese odan da kóp adamnyń ólimine ákelgen fakti boiynsha qylmystyq is qozǵaldy.
Qazir jergilikti turǵyndar apat bolǵan jerge gúl shoqtaryn qoiyp, qaza tapqandardy eske alyp, olardyń jaqyndaryna kóńil aitýda.
