Astanada jol jieginde turǵan bes avtokólikti soǵyp, oqiǵa ornynan qashyp ketken er adam 30 táýlikke ákimshilik qamaýǵa alyndy. Bul týraly qalalyq politsiia departamenti habarlad, dep habarlaidy ult.kz.
Vedomstvonyń málimetinshe, oqiǵa 4 shilde kúni saǵat 02:50 shamasynda Tilendiev kóshesindegi №36 úidiń mańynda bolǵan.
Aldyn ala málimet boiynsha, júrgizýshi kýáligi joq er adam «GAZel» avtokóligin basqaryp kele jatyp, jol jieginde turǵan bes kólikke soqtyǵysqan. Apattan keiin ol oqiǵa ornynan boi tasalap ketken.
Júrgizilgen jedel-izdestirý is-sharalarynyń nátijesinde politsiia qyzmetkerleri kúdiktiniń jeke basyn anyqtap, qysqa ýaqyt ishinde ustady.
– Sot sheshimimen quqyq buzýshyǵa 30 táýlik merzimge ákimshilik qamaqqa alý túrindegi jaza taǵaiyndaldy, – dep habarlady Astana qalasy politsiia departamentiniń baspasóz qyzmeti.
Politsiia kólik quralyn basqarý quqyǵy joq adamnyń rólge otyrýy jáne jol-kólik oqiǵasy bolǵan jerden ketip qalýy zań talaptaryn óreskel buzý bolyp sanalatynyn eske salyp, mundai áreketter úshin zańda jaýapkershilik kózdelgenin atap ótti.
