Túrkistan oblysynyń Saryaǵash aýdanynda jumys ýaqytynda qumar oiyndarǵa qatysqan memlekettik qyzmetkerler jaýapkershilikke tartylyp, qyzmetterinen bosatyldy, dep habarlaidy ult.kz.
Oblystyq prokýratýranyń málimetinshe, memlekettik organdardyń birqatar qyzmetkerleri qyzmettik mindetterin atqarýy tiis ýaqytta qumar oiyndar oinaǵan. Qadaǵalaý organy mundai áreketter memlekettik qyzmettiń negizgi qaǵidattaryna, qyzmettik ádep talaptaryna qaishy keletinin jáne memlekettik organdardyń bedeline nuqsan keltiretinin atap ótti.
Tekserý nátijesinde zań talaptaryn buzǵan tórt memlekettik qyzmetker atqaryp otyrǵan laýazymdarynan bosatyldy.
Prokýratýra memlekettik qyzmettiń abyroiyna keri áser etetin quqyq buzýshylyqtardyń aldyn alý jáne olardy joiý baǵytyndaǵy jumystar aldaǵy ýaqytta da jalǵasatynyn málimdedi.
