Almaty qalasynda «Dini ekstremizm jáne terrorizmge qarsy turý: kedergiler jáne ony sheshý joldary» taqyrybynda dóńgelek ústel ótti.
Shara «Aýyl» HDPP-nyń jáne D.A.Qonaev atyndaǵy Eýraziialyq Zań Akademiiasynyń birlesken bastamasy negizinde uiymdastyryldy.
Shara maqsaty – qoǵamǵa iritki salýshy ekstremizm men terrorizmdi tamyrymen joiý, boldyrmaý, aldyn alý, ásirese jastar arasynda bul zulymdyqtardyń qaýpin túsindirý.
«Terrorizm jáne dini ekstremizm búkil álemdi tynyshtyǵynan aiyrdy. Bul qasiret qoǵamnyń barlyq salasyn qamtyp qaýlap barady. Sondyqtan da lańkestikpen kúresý tek memlekettik jáne quqyq qorǵaý organdarynyń mindeti dep qaraý durys emes. Zulymdyqpen qoǵam bolyp kúresý kerek». Bul partiia aktiviniń pikiri.
Jastar teris aǵym jeteginde ketpeýi úshin túsindirý jumystaryn júrgizý qajet. Lańkestik, dini ekstremizm, jikshildik sekildi teris oilarǵa tótep beretindei áleýmettik, gýmanistik, adami qundylyqtarǵa negizdelgen ideologiiany urpaq sanasyna sińirý mańyzdy. Búgingi dóńgelek ústeldiń kózdegeni de osy.
«Aýyl» partiiasynyń tóraǵasy Áli Bektaevtyń aitýynsha «terrorizm qaýpin seiiltý úshin jetkinshek urpaqty tárbieleýde otbasynyń orny men rolin arttyrý óte mańyzdy másele». «Sonymen birge, orta jáne joǵary oqý oryndaryndaǵy jastardy terrorizm men dini ekstremizmge qarsy bekinis retinde qarastyrýymyz qajet», dedi ol.
Sondyqtan da ár jastyń boiynda radikaldy dini baǵytqa qarsy turarlyqtai imýnitet qalyptastyrý úshin otbasy jáne oqý orny keshendi júieli jumys júrgizý tiis. Dóńgelek ústel qatysýshylarynyń jumysty qorytyndylap, jasaǵan málimdemesi de osy baǵytta qurylǵan. Sonymen qatar málimdemede:
- Dini ekstremizm jáne terrorizmge qarsy kúres qyzmetin ǵylymi- ádistemelik baǵytta qamtamasyz etetin baza jutań. Osyǵan bailanysty, ǵylymi fýndamentaldy jáne ǵylymi qoldanbaly zertteýlerge súiengen, myqty ǵylymi ádistemelik baza qurý;
- Bul salany zertteitin tiisti ǵylymi ortalyqtar shashyrańqy ornalasqan. Sondyqtan lańkestik pen ekstremizm problemalaryn tereń zertteý jónindegi birtutas úilestirýshi oryn Ǵylymi-zertteý institýtyn qurý;
- Terrorizm ekstremizm boiynsha qylmys jasaǵandarǵa ólim jazasyn kesý;
- Osy saladaǵy barlyq zańdardy jetildirý úshin inventarizatsiialaý...jáne t.b. sekildi usynystar jinaqtalǵan.
Naqty 13 usynystan turatyn málimdemeni jinalǵandar bir aýyzdan bekitip, tiisti organdarǵa jóneltýge kelisti. Sonymen qatar bul usynystar parlamentte qaralyp jatqan «Terrorizmmen kúres jónindegi» zań jobasyn talqylaý kezinde usynylatyn bolady.
Aita ketý kerek, terrorizm men dini ekstremizmge qarsy kúres taqybyryna arnalǵan is-sharalar «Aýyl» partiiasynyń bastamashylyǵymen basqa da óńirlerde ótkizilip keledi.
