Sońǵy ýaqytta logistikalyq platformalar arqyly avtokólikter men júkterdi tasymaldaý kezinde alaiaqtyq derekteri jiilegen, dep habarlaidy ult.kz.
Polisia.kz jazýynsha, qaskóiler kóbine «Della» jáne «Fa-Fa.kz» servisterindegi habarlandyrýlardy paidalanady. Ádette Almaty qalasy men Almaty oblysynan elimizdiń ózge óńirlerine júk nemese avtokólik jetkizý týraly tapsyrystar jariialanyp, keiin alaiaqtar tapsyrys berýshilermen jáne júrgizýshilermen WhatsApp arqyly bailanysqa shyǵady.
Olar tapsyrys berýshilerge ózin júrgizýshi nemese tasymaldaýdy uiymdastyrýshy retinde tanystyrsa, júrgizýshilerge júk iesi bolyp kórinedi. Eki taraptyń da senimine kirgen soń tasymaldaý jóninde kelisim jasap, jolǵa shyqqan kólik pen júkti iemdenedi. Keiin olardy basqa kólikke aýystyryp tiep, óz maqsattaryna paidalanady.
Osyndai jaǵdailardyń biri 7 maýsym kúni tirkeldi. Almaty turǵyny politsiiaǵa quny 60 million teńge bolatyn avtokóliginiń urlanǵany týraly aryz túsirgen. Tergeý barysynda belgisiz tulǵalardyń aldaý arqyly kólikti iemdengeni anyqtaldy. Jedel izdestirý sharalarynyń nátijesinde politsiia qyzmetkerleri kólikti taýyp, iesine qaitardy. Qylmysqa qatysy bar degen kúdikpen úsh adam ustaldy.
Qazirgi ýaqytta sotqa deiingi tergeý júrgizilip jatyr. Quqyq qorǵaý organdary oqiǵanyń barlyq mán-jaiyn jáne basqa da yqtimal qatysýshylardy anyqtaýda.
IIM mundai qylmystardyń aldyn alý úshin azamattarǵa júrgizýshiniń jeke basyn jáne kólik qujattaryn muqiiat tekserýge, tasymaldaýshynyń bailanys nómirin habarlandyrýdaǵy málimettermen salystyrýǵa, jetkizý baǵytyn aldyn ala naqtylaýǵa jáne internettegi pikirlermen tanysýǵa keńes beredi.
Eger qujattarda sáikessizdik anyqtalsa nemese kúmándi jaǵdailar baiqalsa, tasymaldaý qyzmetinen bas tartyp, dereý 102 nómirine habarlasý qajet.
Politsiia azamattardy saqtyq tanytyp, kez kelgen kúmándi áreket týraly quqyq qorǵaý organdaryna habarlaýǵa shaqyrady.
