Atyraýdyń 21 jastaǵy turǵyny 18 jastaǵy jigitten birneshe ret aqsha bopsalaǵan. Eger bermese, zorlady dep politsiiaǵa aryz jazatynyn aitqan.
Qyz aldymen jigitten 2 million teńge alsa, keiin taǵy 1,5 million teńge talap etken, dep habarlaidy Polisia.kz.
Jas jigit politsiiaǵa habarlasyp, mán-jaidy túsindirip, kómek surady.
Onyń aitýynsha, osy ýaqyt boiy qyz ony bopsalap kelgen, zorlady dep aiyptaimyn dep qorqytqan. Alaida jigit jynystyq qatynas ekijaqty kelisimmen bolǵanyn aityp otyr. Olar tipti bir jerde jumys istegen.
Jigittiń sózinshe, ol qyzdy jaqsy tanidy, ata-anasymen de tanystyrǵan.
Atyraý oblysynyń ekstremizmmen kúres basqarmasy kúdiktini 500 myń teńge alyp jatqan jerinen ustady.
Tergeý barysynda qyz dekstrýktivti dini sektanyń múshesi bolǵany anyqtaldy.
Qazir 21 jastaǵy kúdiktige qatysty Qylmystyq kodekstiń 194-baby 1-tarmaǵy boiynsha sotqa deiingi tergeý bastaldy. Bul bap boiynsha 4 myń AEK-ke deiin aiyppul ne tórt jylǵa deiin bas bostandyǵyn shekteý, nemese sol merzimge bas bostandyǵynan aiyrý jazasy kózdelgen.
Sondai-aq qyzdyń basqa da bopsalaý faktilerine qatysy bar-joǵy tekserilýde.
