"زورلادى دەپ ايىپتايمىن": اتىراۋدا قىز جٸگٸتتەن اقشا بوپسالاعان

اتىراۋدىڭ 21 جاستاعى تۇرعىنى 18 جاستاعى جٸگٸتتەن بٸرنەشە رەت اقشا بوپسالاعان. ەگەر بەرمەسە, زورلادى دەپ پوليتسيياعا ارىز جازاتىنىن ايتقان.

قىز الدىمەن جٸگٸتتەن 2 ميلليون تەڭگە السا, كەيٸن تاعى 1,5 ميلليون تەڭگە تالاپ ەتكەن, دەپ حابارلايدى Polisia.kz.

جاس جٸگٸت پوليتسيياعا حابارلاسىپ, مەن-جايدى تٷسٸندٸرٸپ, كٶمەك سۇرادى.

ونىڭ ايتۋىنشا, وسى ۋاقىت بويى قىز ونى بوپسالاپ كەلگەن, زورلادى دەپ ايىپتايمىن دەپ قورقىتقان. الايدا جٸگٸت جىنىستىق قاتىناس ەكٸجاقتى كەلٸسٸممەن بولعانىن ايتىپ وتىر. ولار تٸپتٸ بٸر جەردە جۇمىس ٸستەگەن.

جٸگٸتتٸڭ سٶزٸنشە, ول قىزدى جاقسى تانيدى, اتا-اناسىمەن دە تانىستىرعان.

اتىراۋ وبلىسىنىڭ ەكسترەميزممەن كٷرەس باسقارماسى كٷدٸكتٸنٸ 500 مىڭ تەڭگە الىپ جاتقان جەرٸنەن ۇستادى.

تەرگەۋ بارىسىندا قىز دەكسترۋكتيۆتٸ دٸني سەكتانىڭ مٷشەسٸ بولعانى انىقتالدى.

قازٸر 21 جاستاعى كٷدٸكتٸگە قاتىستى قىلمىستىق كودەكستٸڭ 194-بابى 1-تارماعى بويىنشا سوتقا دەيٸنگٸ تەرگەۋ باستالدى. بۇل باپ بويىنشا 4 مىڭ اەك-كە دەيiن ايىپپۇل نە تٶرت جىلعا دەيiن باس بوستاندىعىن شەكتەۋ, نەمەسە سول مەرزiمگە باس بوستاندىعىنان ايىرۋ جازاسى كٶزدەلگەن.

سونداي-اق قىزدىڭ باسقا دا بوپسالاۋ فاكتٸلەرٸنە قاتىسى بار-جوعى تەكسەرٸلۋدە.