2-qabattan edenimen birge qulaǵan jigittiń videosy áleýmettik jelide keń taralyp ketti, dep habarlaidy ult.kz.
Kadrda dúken ishindegi kabinet anyq kórinedi. Bir sátte tóbe opyrylyp, ishte alańsyz otyrǵan adamnyń ústine áldebir er adam kenetten qulap túsedi. Oqiǵa kútpegen jerden bolǵany beinejazbadan baiqalady.
Odan keiin qulaǵan jigit yńǵaisyzdanyp qalǵandai áser qaldyryp, keshirim suraǵan ishara jasap, tez arada oqiǵa ornynan ketip qalady.
Gollivýdtyq filmnen aýmaityn bul jaǵdai Bakýdegi tanymal azyq-túlik dúkeninde bolǵan. Jeli qoldanýshylary bolsa onyń áreketine ázilmen qarap, «kúnde qulap júrgen adam siiaqty sabyrly» dep qaljyńdap jatyr.
