Almatyda joǵalǵan zatyn izdep júrgen azamatty esirtki jasyrylǵan oryndy izdep júr dep oilaǵan er adam ony uryp-soqqan. Kúdikti politsiia qyzmetkerleri tarapynan jedel ustaldy, dep habarlaidy ult.kz.
Almaty qalalyq Politsiia departamentiniń málimetinshe, oqiǵa týraly habar túsken boida jaqyn mańdaǵy patrýldik politsiia ekipajdary oqiǵa ornyna jiberilgen.
Tekserý barysynda kúdikti jábirlenýshini esirtki jasyrylǵan oryndy izdep júr dep kúdiktengenin aitqan. Alaida keiin onyń joǵalǵan jeke zatyn izdep júrgeni anyqtalǵan.
Saldarynan jábirlenýshi dene jaraqatyn alǵan. Oqiǵa ornyna jedel járdem shaqyrylyp, azamat meditsinalyq tekserýden ótý úshin aýrýhanaǵa jetkizildi.
Qazir atalǵan fakti boiynsha tergeý júrgizilip jatyr. Politsiia janjaldyń naqty sebepteri men oqiǵanyń barlyq mán-jaiyn anyqtap jatyr.
