Búginde QR Densaýlyq saqtaý ministrligi ai saiyn xalyq jii tutynatyn taýarlardy satyp alyp, arnaiy zertxanalarda tekserip otyrady.
Jyl basynan beri 38 myńnan astam ónimniń sapasy jan-jaqty zerdelendi, dep habarlaidy QazAqparat tilshisi.
"Tamaq ónimderiniń 7,3 paiyzy talapqa sai emes bolyp shyqty. Sonyń basym bóligi - shetelden keletin taýarlar. Jalpy, 172 myń tonnadan astam taýarlar ýtilizatsiiaǵa jiberildi. Sebebi xalyq densaýlyǵyna ziiandy. Atalǵan taýarlardyń ishinde balalarǵa arnalǵan ónimder de az emes. Osy oraida oiynshyqtardyń 36,6 paiyzy balalar úshin ziiandy ekenin erekshe atap ótken jón. Ondai oiynshyqtardyń quramynda ýly zattar, ia bolmasa, jaraqat salý qaýpi bar. Ondai oiynshyqtardyń basym bóligi Qytai men Túrkiiadan jetkiziledi", - dedi E.Birtanov Úkimettiń búgingi otyrysynda.
Ministrdiń aitýynsha, tekserister kezinde syrttan taýar tasyp júrgen 50 kásipker anyqtalǵan. Olar 52 myńnan astam taýar túrin alyp kelgen. Sonyń ishinde jeńil ónerkásip taýarlary, oiynshyqtar men tamaq ónimderi bar. "Jalpy, tekseristerdiń nátijesi boiynsha 107 sot sheshimi shyǵaryldy. 20 million teńgege aiyppuldar salyndy", - dep atap kórsetti ministr.
