بٷگٸندە قر دەنساۋلىق ساقتاۋ مينيسترلٸگٸ اي سايىن xالىق جيٸ تۇتىناتىن تاۋارلاردى ساتىپ الىپ, ارنايى زەرتxانالاردا تەكسەرٸپ وتىرادى.
جىل باسىنان بەرٸ 38 مىڭنان استام ٶنٸمنٸڭ ساپاسى جان-جاقتى زەردەلەندٸ, دەپ حابارلايدى قازاقپارات تٸلشٸسٸ.
"تاماق ٶنٸمدەرٸنٸڭ 7,3 پايىزى تالاپقا ساي ەمەس بولىپ شىقتى. سونىڭ باسىم بٶلٸگٸ - شەتەلدەن كەلەتٸن تاۋارلار. جالپى, 172 مىڭ توننادان استام تاۋارلار ۋتيليزاتسيياعا جٸبەرٸلدٸ. سەبەبٸ xالىق دەنساۋلىعىنا زيياندى. اتالعان تاۋارلاردىڭ ٸشٸندە بالالارعا ارنالعان ٶنٸمدەر دە از ەمەس. وسى ورايدا ويىنشىقتاردىڭ 36,6 پايىزى بالالار ٷشٸن زيياندى ەكەنٸن ەرەكشە اتاپ ٶتكەن جٶن. ونداي ويىنشىقتاردىڭ قۇرامىندا ۋلى زاتتار, يا بولماسا, جاراقات سالۋ قاۋپٸ بار. ونداي ويىنشىقتاردىڭ باسىم بٶلٸگٸ قىتاي مەن تٷركييادان جەتكٸزٸلەدٸ", - دەدٸ ە.بٸرتانوۆ ٷكٸمەتتٸڭ بٷگٸنگٸ وتىرىسىندا.
مينيستردٸڭ ايتۋىنشا, تەكسەرٸستەر كەزٸندە سىرتتان تاۋار تاسىپ جٷرگەن 50 كەسٸپكەر انىقتالعان. ولار 52 مىڭنان استام تاۋار تٷرٸن الىپ كەلگەن. سونىڭ ٸشٸندە جەڭٸل ٶنەركەسٸپ تاۋارلارى, ويىنشىقتار مەن تاماق ٶنٸمدەرٸ بار. "جالپى, تەكسەرٸستەردٸڭ نەتيجەسٸ بويىنشا 107 سوت شەشٸمٸ شىعارىلدى. 20 ميلليون تەڭگەگە ايىپپۇلدار سالىندى", - دەپ اتاپ كٶرسەتتٸ مينيستر.
