Tarih ǵylymdarynyń doktory, professor Ziiabek Qabyldinov saiasi qýǵyn-súrgin qurbandaryn tolyq aqtaý jónindegi memlekettik komissiiadan el úlken úmit kútip otyrǵanyn málim etti, dep habarlaidy QazAqparat.
«Toqsanynshy jyldary Joǵarǵy keńestiń janynan arnaiy komissiia qurylyp, kóptegen jumys atqaryldy. Degenmen keibir sanattaǵy azamattar aqtalmai qalǵan. Sondyqtan memlekettik komissiianyń búgingi otyrysynda sol jumystyń maqsaty, máseleleri, basqa elderdiń tájiribesi zerdelenedi. Aiqyndalǵan 10 baǵyt boiynsha kim jumys júrgizedi? Jumys júrgizgende jai ǵana toptardy anyqtap aqtaimyz ba, álde esimderin anyqtap, olar jóninde baza jasaimyz ba – sol máselelerdi búgin keńinen talqylaimyz. Bizdiń oiymyzsha, búgin kóńil bólinetin negizgi baǵyttar – HH ǵasyrdaǵy bailardy sotsyz qýǵyndalýy. Sol másele búgin qaralady. Odan keiin dini ókilder de sol zamanda sotsyz jer aýdarylǵan, atylǵan. Sondai sanattardy 10 topqa bólip, zertteýshi ǵalymdardy belgilep, zerttep-zerdelep, esimderin anyqtap, kelesi jyldyń aiaǵyna deiin Memleket basshysyna usyný maqsat retinde aiqyndalyp otyr», - deidi Ziiabek Qabyldinov.
Onyń aitýynsha, mundai jumys Reseide toqsanynshy jyldary jaqsy júrgizilgen. Keiin jumys toqtap qalǵan. Shyǵys Eýropa elderinde, Polshada, Baltyq jaǵalaýy elderinde, Grýziia, Ýkrainada jaqsy jumys júrgizilgen. Al 2015 jyly Ýkrainanyń qaýipsizdik komitetiniń, prokýratýranyń, ishki ister ministrliginiń búkil muraǵattary ashylǵan.
«Bolashaqta bizde de osyndai muraǵattar tolyq ashylsa, zertteý tolyq júrgizilip, qýǵynǵa ushyraǵan azamattardyń bári de aqtalar dep oilaimyz. Osy memlekettik komissiiadan el úlken úmit kútip otyr.
«Óli razy bolmai, tiri baiymaidy» degen sóz bar. Respýblikanyń 100 myńnan astam azamaty qýǵyn-súrgin qurbany boldy desek, osy komissiia jumysynyń nátijesi boiynsha ol tizim 10 myń adamǵa deiin uzaryp ketýi múmkin», - dedi ol.
Osy maqsatta professor arnaiy jumys toptary muraǵattarmen qyzý jumys júrgizetinin aitady. Iaǵni Úkimet olarǵa tiisti jaǵdai jasap, qarajat bólip, mamandardy tartyp, jobalyq keńseni ashyp otyr.
Eske sala ketsek biyl 24 qarashada Memleket basshysy Qasym-Jomart Toqaev «Saiasi qýǵyn-súrgin qurbandaryn tolyq aqtaý jónindegi memlekettik komissiia týraly» Jarlyqqa qol qoiǵan bolatyn. Osyǵan orai, búgin Nur-Sultan qalasynda Qazaqstan Respýblikasynyń Memlekettik hatshysy Qyrymbek Kósherbaevtyń tóraǵalyǵymen Saiasi qýǵyn-súrgin qurbandaryn tolyq aqtaý jónindegi memlekettik komissiianyń birinshi otyrysy ótti.
Otyrys barysynda QR Memlekettik hatshysy Qyrymbek Kósherbaev saiasi qýǵyn-súrgin qurbandaryn tolyq aqtaý jónindegi memlekettik komissiianyń maqsaty – ornyqty sheshim qabyldap, tarihi ádilettilikti qalpyna keltirý jolyndaǵy joǵary kásibilik pen ádildikke qaltqysyz qyzmet etý ekenin eske saldy.
