Almatyda Ulttyq gvardiia serjanty eki áielge pyshaqpen shabýyl jasaǵan er adamdy ustady. Kúdikti serjanttan qashyp, ziratqa tyǵylýǵa tyrysqan, - dep habarlaidy Massaget.kz.
"18 shildede keshke kelisimshart qyzmetiniń áskeri qyzmetshisi serjant Jarqynbek Aidarhanbekov otbasymen úiinde bolǵan. 23.50 shamasynda ol áieldiń aiǵaiyn estip, kóshege shyqqan. Sóitip, belgisiz er adam eki áieldi soqqyǵa jyǵyp jatqanyn kórgen. Qylmysker qorqyp, "Dostyq" qalalyq ziratyna qarai qashqan. Áskeri qyzmetshi qylmyskerdiń artynan qýǵan, osy kezde jedel járdem men politsiiaǵa qońyraý shalyp úlgergen", - dedi Ulttyq ulannyń baspasóz qyzmeti ókili.
Qaskúnem qarańǵy ekenin paidalanyp, ziratqa tyǵylǵan. Er adam jasyrynýǵa tyrysqanyna qaramastan, áskeri qyzmetshi ony qoian-qoltyq urys ádisin qoldanyp, ustaǵan. Aidarhanbekov kúdiktini politseilerge, al zardap shekken áielderdi jedel járdemge tapsyrǵan.
"Bul derek Qylmystyq kodekstiń 106-baby, 2-bóligi "Densaýlyqqa qasaqana aýyr ziian keltirý" boiynsha sotaldy tergep-tekserýdiń biryńǵai tiziliminde tirkeldi. Kúdikti H. 1991 jyly týǵan. Ol ÝUI-ǵa qamaýǵa alyndy. Qazir Naýryzbai aýdandyq Politsiia basqarmasy istiń mán-jaiyn anyqtaýǵa baǵyttalǵan tergeý is-sharalary keshenin júrgizip jatyr", - dedi Almaty Politsiia departamenti ókili.
Aita keteiik, Almatyda pyshaq ustaǵan er adam áielge shabýyl jasaǵan bolatyn. Oqiǵa Almatynyń Naýryzbai aýdanynda bolǵan. Kýágerlerdiń biri kórshisi áieline 11 ret pyshaq suqqanyn habarlaǵan. Sebebi áiel oǵan balasyn kórsetkisi kelmegen.
