Memleket basshysy Jarlyǵymen Ulytaý oblysynyń qurylýy jáne kieli óńirdiń tarihi tulǵalaryn dáripteý maqsatynda uiymdastyrylyp otyrǵan «Alasha han, Joshy han – jyr arqaýy» atty respýblikalyq jazba aqyndar músháirasynyń erejesi jariialandy.
Is-sharanyń maqsaty
Ulytaý oblysy Jezqazǵan qalasynyń «Mádeniet jáne tilderdi damytý bóliminiń» uiymdastyrýymen jáne respýblikalyq «Ana tili» Ult gazetiniń qoldaýymen ótetin jyr saiysynyń basty maqsaty:
Babalar tarihyn dáripteý, ult birligin ulyqtaý.
Ultymyzdyń tarihi tulǵalaryn dáripteý.
Jas aqyn-jazýshylardy qoldaý, shyǵarmashylyǵyn halyqqa tanystyrý.
Jas urpaqtyń kórkem ádebietke qyzyǵýshylyǵyn arttyrý.
Memlekettik tildiń qoldanys aiasyn keńeitý, til mádenietin dáripteý.
Músháiranyń talaptary men sharttary:
Músháiraǵa Nur-Sultan, Almaty, Shymkent qalalary jáne barlyq oblystan 18-40 jas aralyǵyndaǵy ynta bildirgen aqyndar qatysa alady.
Qatysýshy ár aqyn úsh óleń jiberedi:
1 óleń – Ulytaý jeriniń tarihyna (ańyz, áńgimege arqaý bolǵan) qatysty;
1 óleń – Ulytaý jerindegi tarihi tulǵaǵa qatysty;
1 óleń – erkin taqyrypta.
- Budan buryn konkýrsqa qatysqan nemese baspasóz betinde jariialanǵan shyǵarmalar qabyldanbaidy;
- Músháira sharttaryna sai kelmeitin shyǵarmalar qatystyrylmaidy, jariialanbaidy;
- Baiqaýǵa usynylǵan shyǵarmalar mynadai úlgide kompiýterde terilýi kerek: Word, Times New Roman, kegl №14, aralyq interval 1.
- Shyǵarma mátini elektrondyq nusqada qabyldanady. Avtordyń tegi, aty, jóni, shyǵarmanyń ataýy kórsetiledi.
- Usynylǵan shyǵarmamen qosa avtor ózi týraly qysqasha málimet (ómirderek), jeke kýáliginńń kóshirmesin, 6h9 fotosýretin, bailanys telefony, oqý orny nemese jumys oryny týraly málimetti qosa tapsyrýy kerek;
- Úmitkerlerdiń shyǵarmalary 2022 jyldyń 20 tamyzyna deiin mushaira2022@mail.ru elektrondy meken-jai boiynsha qabyldanady.
Músháiranyń qorytyndy sharasy 2022 jyldyń 10 qyrkúiek kúni ótedi dep josparlanýda (ózgerister qosymsha habarlanady). Qabyldanǵan shyǵarmalar qazylar alqasynyń saraptaýynan ótedi. Laiyqty degen shyǵarmalar marapattaýǵa usynylady.
Marapattaý rásimine júldegerler ǵana shaqyrylady, issapar shyǵyny (baryp-qaitý joly, jatyn oryn aqysy, tamaqtaný) qatysýshy tarapynan.
Qoljazba avtorǵa qaitarylmaidy, qazylar sheshimi qaita qaralmaidy. Merziminen keshiktirilgen shyǵarmalar saraptaýǵa jiberilmeidi. Qazylar alqasynyń qorytyndysy boiynsha júldegerlerge diplomdar men syilyqtar beriledi.
Úmitkerler ónerin baǵalaý kezinde:
Aqynnyń sóz tapqyrlyǵy, óleń maǵynasynyń tereńdigi, shýmaq uiqasynyń kúrdeliligi;
Taqyryptyń ashylýy, ádebi qoldanystardy (teńeý, epitet, metafora) qoldaný sheberligine;
Oi men qiialdyń ushqyrlyǵy, ideialyq mazmunyna basa nazar aýdarylady.
Músháira jeńimpazdaryn marapattaý
Músháira qorytyndysy boiynsha jazba aqyndarǵa tómendegidei júldeli oryndar taǵaiyndalady:
Bas júlde – 700 000 teńge;
1-oryn (bireý) – 500 000 teńge;
2-oryn (bireý) – 400 000 teńge;
3-oryn (bireý) – 300 000 teńge;
Arnaiy syilyqtar:
Nurperzent Dombai atyndaǵy syilyq – 200 myń teńge;
Yntalandyrý syilyqtary (úsheý) – árqaisysy 50 myń teńgeden.
Qazylar alqasynyń sheshimimen anyqtalǵan músháira jeńimpazdary uiymdastyrý alqasy daiyndaǵan diplommen jáne qarjylai syilyqpen marapattalady.
Eskertý: Úmitkerlerdiń upailary teń bolǵan jaǵdaida, júldeger tóraǵanyń pikirimen anyqtalady.
