Foto: Videodan alynǵan kadr
Taldyqorǵanda 29 jastaǵy Edil Qojabekti dostary óz úiinen kúshpen alyp ketken. Onyń ápkesi Fariza Turlybaeva "Kóremiz" redaktsiiasyna habarlasyp, kómek suraǵan. Onyń aitýynsha, 29 jastaǵy inisin kólikke kúshtep mingizip alyp ketkender jeti saǵat boiy qorlyq kórsetken. Qylmystyq is Jetisý oblysynda tirkelgen, - dep habarlaidy Massaget.kz portaly.
Bul oqiǵa 23 aqpanda keshke bolǵan. Keshki saǵat 19:00 shamasynda Edil Qojabekke Madiiar degen dosynan habarlama kelgen. Onda Edilge dalaǵa shyǵý kerek ekeni aitylǵan. Keiin tún ishinde Fariza úlken ápkesinen inici Edildi bir top jigit soqqyǵa jyqqanyn estigen. Ol úige kelgende inisiniń jaǵdaiy adamshoshyrlyq bolǵanyn aitady. Keiin Edil bolǵan jaǵdaidy ózi baiandap bergen. Edildiń sózinshe, dostary túngi saǵat 3.30-da uryp-soǵyp, júksalǵyshtan shyǵaryp, jol boiyna tastap ketken. Úiine jetkennen keiin jedel járdem shaqyrǵan, politseiler kelgen.
Edildiń ápkesi aýrýhanada onyń jaraqatyn da tańbaǵanyn aitady. Taldyqorǵan kópsalaly aýrýhanasy dárigeriniń aitýynsha, naýqastyń jaǵdaiy qalypty bolǵandyqtan, úiine jiberilgen. Sondai-aq, Farizanyń aitýynsha, politseiler de bul jaǵdaidy qalypty oqiǵa dep qabyldaǵan.
Jaǵaustatar jait munymen bitpegen. Keiin Edil Qojabek dostary zorlyqpen kiimin sheship, astyn keskisi kelgenin aitqan. Edildiń ápkesiniń sózinshe, bul jaǵdaiǵa inisiniń dostarynyń biriniń úiin salýǵa kómektespegeni, bir dosynyń ákesine kóńil aitpaǵany sebep bolǵan eken. Al Edildiń áieli kúieýine sol kúni qaita-qaita habarlasqanyn aitady.
"Saǵat on jarymda monshadamyn, bir saǵatta baramyn" dedi. Al saǵat 2 jarymdarda Madiiar Edildiń ápkesine bári jaqsy ekenin aitqan", - deidi ol.
Kúieýin biraz ýaqyt kútken Aijan terezeden onyń kele jatqanyn kórgen. Biraq jaǵdaiy aýyr bolǵan. Edildiń sózinshe, alyp ketkender ishimdik ishken. Sondai-aq, ony Madiiardyń Miras degen baýyrynyń úiine alyp barǵanyn jetkizdi. Ol bir esin jiǵanda dárethana men asúi ortasynda otyrǵanyn aitty. Al monshada basynan tepken.
"Bárin shyǵaryp jiberip, qolyna pyshaq alyp, "jigitsiń be?" dedi. "Iá, jigitpin" dedim. Onda "butyńdy shesh" dedi, butymdy sheshe bastadym. Ol turyp myna jerimdi (jynys múshesi - esk.) keseiin dep jatty. Keseiin dep jatqanda qashyp shyqtym. Qashyp shyqqanda qaita ustap aldy", - deidi ol.
Edildiń sózinshe, keiin qaita úige kirip azaptaǵan. Zorlyq deregi tirkelip-tirkelgenin suraǵanyn jýrnaliske jábirlenýshi jaýap bergisi kelmeitinin aitty.
Qarsy taraptyń da óz ýáji bar eken. Mirastyń áieli Edil abysynyn zorlamaq bolǵanyn aitady. Áieldiń sózinshe, Elaman esimdi qainy inisi úiine Edil men áielin qonaqqa shaqyrǵan. Keiin Edil men Elaman monshaǵa túsken. Edil monshadan erterek shyqqan. Alaida Edil shyqqan kezde bólmeni shatystyryp alǵanyn, mas bolǵanyn aitady. Edil de, áiel de bul jala ekenin aityp otyr. Biraq Elamannyń áieli jaryq janyp turǵanyn, shatystyrý múmkin emes ekenin jetkizdi.
Al saraptama qorytyndysynda Edildiń tikisheginiń shyryshty qabyǵy jaraqattanǵany anyqtalǵan. Baǵdarlama málimetinshe, Edil seksýaldy sipattaǵy zorlyqqa ushyraǵan.
Edil qazir aýrýhanadan shyqqan. Ápkesiniń aitýynsha, kisi demeýimen júredi. Edildiń jasy 29-da, áieli men balasy bar eken. Inisiniń máselesin aityp júrgen Fariza Turlybaeva osy másele kóterilgennen keiin tergeýshiler istiń mán-jaiyn, qalai júrgizilip jatqanyn tolyq habarlap otyrǵanyn jetkizdi.
