فوتو: ۆيدەودان الىنعان كادر
تالدىقورعاندا 29 جاستاعى ەدٸل قوجابەكتٸ دوستارى ٶز ٷيٸنەن كٷشپەن الىپ كەتكەن. ونىڭ ەپكەسٸ فاريزا تۇرلىباەۆا "كٶرەمٸز" رەداكتسيياسىنا حابارلاسىپ, كٶمەك سۇراعان. ونىڭ ايتۋىنشا, 29 جاستاعى ٸنٸسٸن كٶلٸككە كٷشتەپ مٸنگٸزٸپ الىپ كەتكەندەر جەتٸ ساعات بويى قورلىق كٶرسەتكەن. قىلمىستىق ٸس جەتٸسۋ وبلىسىندا تٸركەلگەن, - دەپ حابارلايدى Massaget.kz پورتالى.
بۇل وقيعا 23 اقپاندا كەشكە بولعان. كەشكٸ ساعات 19:00 شاماسىندا ەدٸل قوجابەككە مادييار دەگەن دوسىنان حابارلاما كەلگەن. وندا ەدٸلگە دالاعا شىعۋ كەرەك ەكەنٸ ايتىلعان. كەيٸن تٷن ٸشٸندە فاريزا ٷلكەن ەپكەسٸنەن ٸنٸcٸ ەدٸلدٸ بٸر توپ جٸگٸت سوققىعا جىققانىن ەستٸگەن. ول ٷيگە كەلگەندە ٸنٸسٸنٸڭ جاعدايى ادامشوشىرلىق بولعانىن ايتادى. كەيٸن ەدٸل بولعان جاعدايدى ٶزٸ بايانداپ بەرگەن. ەدٸلدٸڭ سٶزٸنشە, دوستارى تٷنگٸ ساعات 3.30-دا ۇرىپ-سوعىپ, جٷكسالعىشتان شىعارىپ, جول بويىنا تاستاپ كەتكەن. ٷيٸنە جەتكەننەن كەيٸن جەدەل جەردەم شاقىرعان, پوليتسەيلەر كەلگەن.
ەدٸلدٸڭ ەپكەسٸ اۋرۋحانادا ونىڭ جاراقاتىن دا تاڭباعانىن ايتادى. تالدىقورعان كٶپسالالى اۋرۋحاناسى دەرٸگەرٸنٸڭ ايتۋىنشا, ناۋقاستىڭ جاعدايى قالىپتى بولعاندىقتان, ٷيٸنە جٸبەرٸلگەن. سونداي-اق, فاريزانىڭ ايتۋىنشا, پوليتسەيلەر دە بۇل جاعدايدى قالىپتى وقيعا دەپ قابىلداعان.
جاعاۇستاتار جايت مۇنىمەن بٸتپەگەن. كەيٸن ەدٸل قوجابەك دوستارى زورلىقپەن كيٸمٸن شەشٸپ, استىن كەسكٸسٸ كەلگەنٸن ايتقان. ەدٸلدٸڭ ەپكەسٸنٸڭ سٶزٸنشە, بۇل جاعدايعا ٸنٸسٸنٸڭ دوستارىنىڭ بٸرٸنٸڭ ٷيٸن سالۋعا كٶمەكتەسپەگەنٸ, بٸر دوسىنىڭ ەكەسٸنە كٶڭٸل ايتپاعانى سەبەپ بولعان ەكەن. ال ەدٸلدٸڭ ەيەلٸ كٷيەۋٸنە سول كٷنٸ قايتا-قايتا حابارلاسقانىن ايتادى.
"ساعات ون جارىمدا مونشادامىن, بٸر ساعاتتا بارامىن" دەدٸ. ال ساعات 2 جارىمداردا مادييار ەدٸلدٸڭ ەپكەسٸنە بەرٸ جاقسى ەكەنٸن ايتقان", - دەيدٸ ول.
كٷيەۋٸن بٸراز ۋاقىت كٷتكەن ايجان تەرەزەدەن ونىڭ كەلە جاتقانىن كٶرگەن. بٸراق جاعدايى اۋىر بولعان. ەدٸلدٸڭ سٶزٸنشە, الىپ كەتكەندەر ٸشٸمدٸك ٸشكەن. سونداي-اق, ونى ماديياردىڭ ميراس دەگەن باۋىرىنىڭ ٷيٸنە الىپ بارعانىن جەتكٸزدٸ. ول بٸر ەسٸن جيعاندا دەرەتحانا مەن اسٷي ورتاسىندا وتىرعانىن ايتتى. ال مونشادا باسىنان تەپكەن.
"بەرٸن شىعارىپ جٸبەرٸپ, قولىنا پىشاق الىپ, "جٸگٸتسٸڭ بە?" دەدٸ. "يە, جٸگٸتپٸن" دەدٸم. وندا "بۇتىڭدى شەش" دەدٸ, بۇتىمدى شەشە باستادىم. ول تۇرىپ مىنا جەرٸمدٸ (جىنىس مٷشەسٸ - ەسك.) كەسەيٸن دەپ جاتتى. كەسەيٸن دەپ جاتقاندا قاشىپ شىقتىم. قاشىپ شىققاندا قايتا ۇستاپ الدى", - دەيدٸ ول.
ەدٸلدٸڭ سٶزٸنشە, كەيٸن قايتا ٷيگە كٸرٸپ ازاپتاعان. زورلىق دەرەگٸ تٸركەلٸپ-تٸركەلگەنٸن سۇراعانىن جۋرناليسكە جەبٸرلەنۋشٸ جاۋاپ بەرگٸسٸ كەلمەيتٸنٸن ايتتى.
قارسى تاراپتىڭ دا ٶز ۋەجٸ بار ەكەن. ميراستىڭ ەيەلٸ ەدٸل ابىسىنىن زورلاماق بولعانىن ايتادى. ەيەلدٸڭ سٶزٸنشە, ەلامان ەسٸمدٸ قاينى ٸنٸسٸ ٷيٸنە ەدٸل مەن ەيەلٸن قوناققا شاقىرعان. كەيٸن ەدٸل مەن ەلامان مونشاعا تٷسكەن. ەدٸل مونشادان ەرتەرەك شىققان. الايدا ەدٸل شىققان كەزدە بٶلمەنٸ شاتىستىرىپ العانىن, ماس بولعانىن ايتادى. ەدٸل دە, ەيەل دە بۇل جالا ەكەنٸن ايتىپ وتىر. بٸراق ەلاماننىڭ ەيەلٸ جارىق جانىپ تۇرعانىن, شاتىستىرۋ مٷمكٸن ەمەس ەكەنٸن جەتكٸزدٸ.
ال ساراپتاما قورىتىندىسىندا ەدٸلدٸڭ تٸكٸشەگٸنٸڭ شىرىشتى قابىعى جاراقاتتانعانى انىقتالعان. باعدارلاما مەلٸمەتٸنشە, ەدٸل سەكسۋالدى سيپاتتاعى زورلىققا ۇشىراعان.
ەدٸل قازٸر اۋرۋحانادان شىققان. ەپكەسٸنٸڭ ايتۋىنشا, كٸسٸ دەمەۋٸمەن جٷرەدٸ. ەدٸلدٸڭ جاسى 29-دا, ەيەلٸ مەن بالاسى بار ەكەن. ٸنٸسٸنٸڭ مەسەلەسٸن ايتىپ جٷرگەن فاريزا تۇرلىباەۆا وسى مەسەلە كٶتەرٸلگەننەن كەيٸن تەرگەۋشٸلەر ٸستٸڭ مەن-جايىن, قالاي جٷرگٸزٸلٸپ جاتقانىن تولىق حابارلاپ وتىرعانىن جەتكٸزدٸ.
