Atyraý oblysynda koronavirýstan Jylyoi aýdanynyń 48 jastaǵy turǵyny qaitys boldy. Bul – qaýipti indetten kóz jumǵan tórtinshi adam, dep habarlaidy "Ult aqparat".
Oblystyq densaýlyq saqtaý basqarmasynyń málimetine súiensek, 1972 jyly týǵan naýqas 15 maýsymda kóz jumǵan. Ol 13 maýsymda dene qyzýynyń kóterilýi, tynys alýy qiyndyǵy men azdaǵan jótelge shaǵymdanyp, Jylyoi aýdandyq aýrýhanasynyń provizorlyq bólimine jedel járdem arqyly jetkizilgen. Oǵan KT saraptamasy jasalǵan soń, ókpesiniń 50%-nyń qabynýy anyqtalǵan.
«Jaǵdaiynyń aýyrlyǵyna bailanysty infektsiialyq aýrýhananyń boks palatasyna jatqyzylyp, kómek kórsetildi. Oblystyq aýrýhananyń dárigerlerimen keńese otyryp, jasandy ókpeni jasandy jeldetý apparatyna qosý týraly sheshim qabyldandy. Alaida, dárigerler tarapynan jasalǵan kómekke qaramastan, naýqas 15 maýsym kúni qaitys boldy» -dep habarlady oblystyq densaýlyq saqtaý basqarmasynan.
Naýqas buǵan deiin densaýlyǵyna bailanysty esepte turmaǵan.
