Qazaqstanda jylyna 40 myń adam ǵana 10 sotyq jer ala alady. Bul týraly búgin QR Úkimetindegi baspasóz máslihatynda elimizdiń Investitsiialar jáne damý ministri Jeńis Qasymbek málim etti, dep habarlaidy Ult.kz tilshisi QazAqparat agenttigine silteme jasap.
«Nurly jer» baǵdarlamasy boiynsha jekemenshik úiler salynyp jatyr. Jalpy, ótken aptada biz Almaty oblysynda bolǵan edik. Ol jaqta salynatyn turǵyn úilerdiń 80 paiyzyn 10 sotyq jerge salynatyn jekemenshik úiler quraidy. Biraq, búgingi kúni tizimde 10 sotyq jer alǵysy keletin adamdar óte kóp. Sondyqtan ákimshiliktermen 10 sotyq jerdi infraqurylymy tartylǵan jaǵdaida ǵana berý týraly kelisimge keldik. Al infraqurylym tartýǵa biýdjetten qarjy qarastyryp, bólip otyrmyz. Árbir oblysqa 1,5 mlrd. teńgeden astam qarjy bólinedi. Tizimde adam kóp. Biraq 10 sotyq jerdi jylyna 40 myń ǵana adam ala alady», - dedi Qasymbek BAQ ókilderiniń saýalyna orai.
Sonymen qatar ministr baspanany bastapqy jarnasyz nesiege alý tetigi Turǵynúijinaqbankinde qarastyrylmaǵandyǵyn atap ótti.
«Turǵyn úi Qurylys Jinaq banki arqyly baspanaǵa nesie alý úshin alǵashqy jarna bolýy qajet», - dep atap ótti ministr.
