Joǵary patogendi qus tumaýyna qarsy vaktsinatsiia qus fabrikalarynan 20 shaqyrym radiýsta jáne jabaiy qustardyń ushý baǵyty boiynsha júrgiziledi dep habarlaidy "Ult aqparat" Aýyl sharýashylyǵy ministrliginiń baspasóz qyzmetine silteme jasap.
Qus tumaýy qozdyrǵyshyn respýblikanyń basqa óńirlerine tarap ketý qaýpin boldyrmaý úshin QR AShM veterinariialyq qadaǵalaý jáne baqylaý komiteti Qostanai, Soltústik Qazaqstan jáne Pavlodar oblystarynyń RF shekaralas aýdandarynda, sondai-aq Aqmola oblysynyń keibir aýdandarynda vaktsinatsiialaýdy bastaý týraly sheshim qabyldady.
Sonymen qatar, qus tumaýyna qarsy kúres strategiiasyna sáikes jumys istep turǵan qus fabrikalarynan 20 km radiýsta jáne jabaiy qustardyń ushý baǵyty boiynsha jeke aýlalarda úi qustaryn vaktsinatsiialaý kózdelgen.
Aita ketý kerek, Soltústik Qazaqstan oblysynyń qus fabrikalarynda qus ólimi faktileri tirkelgen joq.
Buǵan deiin habarlanǵandai, joǵary patogendi qus tumaýynyń taralýyna qarsy Soltústik Qazaqstan oblysynda: qustardyń ólekselerin joiý, úi-jailar men aýla aýmaqtaryn zalalsyzdandyrý jumystary júrgizilýde. Sondai-aq, óńirge qustardy vaktsinatsiialaý úshin joǵary patogendi qus tumaýyna qarsy otandyq 873 myń preparat bólindi.
Elimizde búginnen bastap Soltústik Qazaqstan oblysynyń Timiriazev, Taiynsha, Jambyl, Qyzyljar, Shal aqyn, Ǵ.Músirepov, M.Jumabaev aýdanynan tiri qus jáne inkýbatsiialyq jumyrtqa, mamyq pen qaýyrsyn, qus eti men qus sharýashylyǵy ónimderiniń barlyq túrlerin, qustarǵa arnalǵan jemshóp pen jemshóp qospalaryn, sondai-aq buryn paidalanýda bolǵan qustardy kútip-baǵýǵa, soiýǵa jáne músheleýge arnalǵan jabdyqtardy shyǵarýǵa ýaqytsha shekteýler engizildi.
QR Aýyl sharýashylyǵy vitse-ministri Gúlmira Isaeva QR AShM veterinariialyq baqylaý jáne qadaǵalaý komitetiniń Respýblikalyq epizootiiaǵa qarsy jasaq ólgen úi qustarynyń ielerine keltirilgen shyǵyn qunyn ortasha ailyq naryqtyq baǵa negizinde tóleitinin, baǵany Soltústik Qazaqstan oblysy ákimdigi janyndaǵy arnaiy komissiia anyqtaitynyn málimdedi.
Ótemaqy alý úshin ólgen úi janaýarlarynyń ieleri ótinish berýi kerek. Aqshalai qarajat kartaǵa aýdarylady. Bul rette, zardap shekken janýarlardyń ólekselerine komissiialyq akti jasalyp, resmi túrde tirkelýi qajet.
