Foto: zhaikpress.kz
Oral qalasyndaǵy iri aýdandardyń birinde tótenshe jaǵdai jariialandy. Apat Móńkeuly shaǵyn aýdanynyń qazandyǵynda boldy. Bul qazandyq 18 kópqabatty úige jylý men ystyq sý beredi, dep habarlaidy Sputnik Qazaqstan.
Apat saldarynan turǵyndar ala jazdai ystyq sý kórmeýi múmkin.
"Biz apatty "Jaiyqteploenergo" AQ kúshimen joidyq. Biraq bul máseleni sheshpeidi. 3 qazandyqtyń jylý jelileri apatty dep tanyldy, olardy jóndeýge 500-600 million teńge qajet. Qazir biz jobalyq-smetalyq qujat jasaimyz. Aptanyń sońyna deiin ony aiaqtaýdy josparlap otyrmyz. Qarajat bólinedi", - qala ákiminiń orynbasary Jandos Dúisenǵaliev.
Qala ákiminiń aitýynsha, másele áý basta shaǵyn aýdandy josparlaý kezinde durys sheshilmegen. Qurylysy 2010 jyly bastalǵan kezde drenajdar qarastyrylmaǵan.
Jaýyn-shashyn men qar erigen kezde qubyrlar sýda qalǵan, saldarynan qubyrlardy tot basyp, shirip ketken. Kesirinen osy qysta 50-den astam apat boldy.
Máseleni sheshý úshin 2,5 myń metr jylý jelileri men ystyq sý qubyrlaryn aýystyrý qajet. Jóndeý jumystary 15 qyrkúiekke deiin, jylytý maýsymy bastalardan tek bir ai buryn ǵana aiaqtalady dep josparlanyp otyr.
Oǵan deiin 18 kóppáterli úi, iaǵni 3,5 myń abonent ystyq sýsyz qalady.
