Qazaqstanda jylý úshin tólengen 700 mln teńgeden astam qarajat tutynýshylarǵa keri qaitarylady, dep habarlaidy "Ult aqparat" Tabiǵi monopoliialardy retteý komitetine silteme jasap.
Budan buryn atalmysh komitet birqatar óńirde tutynýshylarǵa jylýǵa tólengen qarajattyń bir bóligi qaitarylatyny týraly habarlaǵan bolatyn.
Tabiǵi monopoliialardy retteý komiteti jáne onyń aýmaqtyq bólimsheleri barlyq óńirde jylý qýatyn esepke alý aspaby joq tutynýshylar úshin jylýmen jabdyqtaý qyzmetiniń qunyn qaita eseptedi. Bul tabiǵi monopoliialar salasyndaǵy zańnamanyń normalaryna sáikes júrgizildi. Qaita esepteý nátijesinde jylý maýsymynda (2020-2021 jyldary) nemese kúntizbelik jyl úshin (2020 jyldyń sońyna deiin) qarajatty esepteýdi qaitarý halyqtyń jeke shotynda kórsetiledi jáne avans (saldo) túrindegi jeke jolda jazylady.
«Qazaqstannyń tabiǵi monopoliialar týraly zańnamanyń normalaryna sáikes, tabiǵi monopoliia sýbektisi syrttaǵy aýanyń naqty temperatýrasyn eskere otyryp, jylý energiiasymen jabdyqtaý boiynsha rettelip kórsetiletin qyzmettiń qunyn tutynýshylarǵa tikelei ne tutynýshynyń turǵan jerin anyqtaý múmkin bolmaǵan jaǵdaida jylý energiiasymen jabdyqtaý boiynsha rettelip kórsetiletin qyzmetke aqy tóleý kezinde tarifti tómendetý arqyly qaita esepteýdi júrgizýge mindetti.
Syrttaǵy aýanyń naqty temperatýrasyn eskere otyryp, jylý energiiasymen jabdyqtaý jónindegi rettelip kórsetiletin qyzmet qunyn qaita esepteý tártibiniń ózi tarifterdi qalyptastyrý qaǵidasymen reglamenttelgen», delingen habarlamada.
Osylaisha, ótken 2019-2020 jyldardaǵy jylytý kezeńinde jylýmen jabdyqtaý boiynsha qyzmet kórsetetin 133 tabiǵi monopoliia sýbektisi jylý energiiasynyń tólemine jalpy somasy QQS-men 736 771 070 teńgege qaita esepteý júrgizdi:
- Nur-Sultan qalasy boiynsha - 3 818 460 teńge, bul rette Nur-Sultan qalasy boiynsha aýmaqtyq departament «Qanysh Sátbaev atyndaǵy arna» RMK «Qazsýshar» filialy jáne «Sapro-NAT» JShS boiynsha qaita esepteý júrgizdi, olar Qaraǵandy, Pavlodar jáne Soltústik Qazaqstan oblystarynda qyzmet kórsetedi;
- Almaty qalasy boiynsha – 13 327 030 teńge;
- Shymkent qalasy boiynsha – 25 805 640 teńge;
- Almaty oblysy boiynsha – 8 659 900 teńge;
- Aqmola oblysy boiynsha – 39 708 450 teńge;
- Atyraý oblysy boiynsha – 8 325 040 teńge;
- Aqtóbe oblysy boiynsha – 50 624 690 teńge;
- Shyǵys Qazaqstan oblysy boiynsha – 189 998 270 teńge;
- Jambyl oblysy boiynsha – 43 108 930 teńge;
- Batys Qazaqstan oblysy boiynsha – 14 942 620 teńge;
- Qaraǵandy oblysy boiynsha – 167 298 790 teńge;
- Qostanai oblysy boiynsha – 50 718 610 teńge;
- Qyzylorda oblysy boiynsha – 53 392 570 teńge;
- Mańǵystaý oblysy boiynsha – 3 291 000 teńge;
- Pavlodar oblysy boiynsha – 28 629 400 teńge;
- Soltústik Qazaqstan oblysy boiynsha – 22 562 880 teńge;
- Túrkistan oblysy boiynsha – 12 558 790 teńge.
«Nur-Sultan qalasy men Mańǵystaý oblysynyń Aqtaý qalasynda jylýmen jabdyqtaý qyzmetterin kórsetetin «Astanaenergosbyt» JShS jáne «MAEK-Qazatomónerkásip» JShS-ynda qaita esepteý jáne tutynýshylarǵa qarajat qaitarýdyń negizi joq ekenin atap ótken jón.
Barlyq tutynýshylardyń jylý energiiasyn esepteý aspaptaryn qoldanýǵa aýysý qajettiligi boiynsha jylý energiiasynyń naqty tutyný kólemi úshin ǵana tóleitin bolady jáne osy tutynýshylarǵa qaita esepteý júrgizilmeitinin atap kórsetý qajet», delingen habarlamada.
