Qaraǵandy oblysynyń túrmesinde sottalýshylar qashyp shyǵý úshin qazǵan jasyryn jerler anyqtalýda. Mekeme qyzmetkerleri bul jumysqa jylqylardy paidalanýda, dep habarlaidy "Ult aqparat" Polisia.kz saitynasilteme jasap.
QR Ishki ister ministrligi Qylmystyq-atqarý júiesi komitetiniń Qaraǵandy oblysy boiynsha departamentine qarasty AK-159/11 mekemesi rejimdik bóliminiń qyzmetkerleri 6505 áskeri bóliminiń 4-shi atqyshtar batalonynyń áskerilerimen birlesip, sottalýshylardyń kúzetilip otyrǵan nysannan qashyp ketýine jol bermeý maqsatynda, jer astynan qazylǵan jasyryn oryndardy anyqtaý úshin jylqy malyn paidalanyp keledi.
«Osyndai tájiribe turaqty túrde barlyq túzeý mekemelerinde júrgizilip, abaqtydan qashýdyń jolyn kesýge kómektesedi.
Eger júrip kele jatqan janýar, kenet toqtai qalsa, bul, qyzmetkerlerge sol jerdi muqiiat tekserýge sebep týdyrady. Sebebi, jylqy jer astynda qýys, oiylǵan jerge baspaidy», - dep málim etti AK-159/11 mekemesi rejimdik bóliminiń bastyǵy Áset Shaimerdenov.
Tekserý barysynda qazylǵan oryndar anyqtalǵan joq.
