قاراعاندى وبلىسىنىڭ تٷرمەسٸندە سوتتالۋشىلار قاشىپ شىعۋ ٷشٸن قازعان جاسىرىن جەرلەر انىقتالۋدا. مەكەمە قىزمەتكەرلەرٸ بۇل جۇمىسقا جىلقىلاردى پايدالانۋدا, دەپ حابارلايدى "ۇلت اقپارات" Polisia.kz سايتىناسٸلتەمە جاساپ.
قر ٸشكٸ ٸستەر مينيسترلٸگٸ قىلمىستىق-اتقارۋ جٷيەسٸ كوميتەتٸنٸڭ قاراعاندى وبلىسى بويىنشا دەپارتامەنتٸنە قاراستى اك-159/11 مەكەمەسٸ رەجيمدٸك بٶلٸمٸنٸڭ قىزمەتكەرلەرٸ 6505 ەسكەري بٶلٸمٸنٸڭ 4-شٸ اتقىشتار باتالونىنىڭ ەسكەريلەرٸمەن بٸرلەسٸپ, سوتتالۋشىلاردىڭ كٷزەتٸلٸپ وتىرعان نىساننان قاشىپ كەتۋٸنە جول بەرمەۋ ماقساتىندا, جەر استىنان قازىلعان جاسىرىن ورىنداردى انىقتاۋ ٷشٸن جىلقى مالىن پايدالانىپ كەلەدٸ.
«وسىنداي تەجٸريبە تۇراقتى تٷردە بارلىق تٷزەۋ مەكەمەلەرٸندە جٷرگٸزٸلٸپ, اباقتىدان قاشۋدىڭ جولىن كەسۋگە كٶمەكتەسەدٸ.
ەگەر جٷرٸپ كەلە جاتقان جانۋار, كەنەت توقتاي قالسا, بۇل, قىزمەتكەرلەرگە سول جەردٸ مۇقييات تەكسەرۋگە سەبەپ تۋدىرادى. سەبەبٸ, جىلقى جەر استىندا قۋىس, ويىلعان جەرگە باسپايدى», - دەپ مەلٸم ەتتٸ اك-159/11 مەكەمەسٸ رەجيمدٸك بٶلٸمٸنٸڭ باستىعى ەسەت شايمەردەنوۆ.
تەكسەرۋ بارىسىندا قازىلعان ورىندار انىقتالعان جوق.
