Depýtat Nurlan Bekenov Senat otyrysynda syrtqy memlekettik qaryzdardyń turaqty ósýine alańdaýshylyǵyn bildirdi. Elimizdiń Premer-Ministri Álihan Smaiylovtyń atyna joldaǵan depýtattyq saýalynda ol mundai qaryzdardy paidalanýda tiimdilik deńgeii tómen ekenin atap ótti, dep habarlaidy QazAqparat.
«Qarjy ministrliginiń aqparatyna sáikes, 2022 jylǵy 1 qańtardaǵy jaǵdai boiynsha memlekettik qaryz 22 trln teńgege nemese JIÓ-niń 27,4%-yna jetti. Úkimettiń syrtqy boryshy, memleket pen kvazimemlekettik sektordyń kepildik bergen syrtqy boryshy 37 mlrd AQSh dollaryn qurady, bul Ulttyq qor aktivteriniń 67%-yn quraidy jáne shekti mánge jaqyndap keledi. Ulttyq qordy qaryzdardy óteý boiynsha kepildendirilgen rezerv retinde ǵana qarastyrýǵa bolmaidy dep oilaimyn», - dedi Nurlan Bekenov.
Senator qazirgi tańda jalpy somasy 12,2 mlrd dollardy quraityn úkimettik syrtqy 52 qaryz bar ekenin atap ótti. Bul rette bar bolǵany onyń 80 paiyzy igerilip otyr. Depýtat elimizdiń syrtqy qaryzynyń artýyna yqpal etetin negizgi faktorlardyń qatarynda tiimsiz paidalaný, qaryz aqshaǵa suranystyń joqtyǵy, nesieniń bir bóligin joiý, sondai-aq kvazimemlekettik kompaniialardyń aqshany óndiristik emes maqsatqa tartýyn atap ótti.
«QazMunaiGaz» AQ enshiles uiymynyń óz qarjysy bola tura, 2017 jyly aktsionerlerge dividend túrinde berý maqsatynda 300 million AQSh dollary somasyn úsh jyl merzimge qaryzǵa aldy. Iaǵni, bul qaryz dividendter tóleý úshin alyndy. Bul halyqaralyq qaryzdardy jónsiz josparlaý men paidalanýdyń jekelegen mysaldary ǵana», - dedi depýtat.
N. Bekenov aǵymdaǵy jaǵdaidy jaqsartý úshin syrtqy memlekettik qaryzdardyń tiimdiligi máseleleri boiynsha senatorlardyń memlekettik organdar men kvazimemlekettik sektor ókilderimen kezdesýi barysynda ázirlengen birqatar júieli sharalardy atap ótti.
Olardyń ishinde satyp alý úderisine jáne kelisimshartty basqarýǵa turaqty monitoringti júzege asyrý, odan ári ózektiligin joiý úshin ázirlenip jatqan jobalardyń sapasyn arttyrý sharalary bar. Ol úshin senator qarjylandyrýdyń aǵymdaǵy baǵyttaryn jiti taldaý, jobalyq-smetalyq qujattamanyń qunyn naqty retteý jáne ekonomikanyń barlyq salalaryndaǵy shyǵyndardyń basymdyqtaryn belgileý arqyly syrtqy qaryzdardy tartýdy mańyzdy dep sanaidy.
