Foto: pinterest
Ult.kz-te jihankez jýrnalist Dinara Bolattyń ózge paiymy.
Jyl sońynda esep berý sánge ainalǵandai. Ásirese áleýmettik jelide árkim bir jylda jetken jetistikterimen bólisedi. Bireýler ózgeniń jetistikterin kórip, birge qýanyp, ózine shabyt alsa, ekinshi tarap ózgelermen salystyryp, ózin túkke turǵysyz sezinetinderi de bar.
Abai 15-shi qara sózinde:
“«Egerde esti kisilerdiń qatarynda bolǵyń kelse, kúninde bir mártebe, bolmasa jumasynda bir, eń bolmasa aiynda bir, ózińnen óziń esep al! Sol aldyńǵy esep alǵannan bergi ómirdi qalai ótkizdiń eken, ne bilimge, ne ahiretke, ne dúniege jaramdy kúnińdi óziń ókinbestei qylyqpen ótkizippisiń?” deidi.
Foto: pinterest
Sol sebepti meili jariia qyl, qylma kún saiyn, ai saiyn ózine esep beretin adamnyń bir jyldyq esebi de bolýy shart. Úlken úi alýy, úlken kásip ashý, chempion bolý, basshy bolý sekildi jetistikter bolmasa da ósý jolyndaǵy adamnyń bir jyldyq esebinde:Barlyq ishki túitkili sheshilmese de óziniń emotsionaldyq kúiin kúndelikti rettei alýy;
Qarajattyq kiris-shyǵysty basqaryp, aqsha ustaýda tártip ornatýy;
Densaýlyǵyna kóńil bólip, belgili bir sport túrine jaqyndaýy;
Óziniń shyǵarmashylyq jolynda, kásibi, mamandyqta ósýde taǵy bir deńgeidi qamtýy;
Adammmen qatynasta ózine yńǵaily shekara, forma, jiilik, formatty úilestirip úirenýi sekildi bir jylda paidaly daǵdylar qalyptastyryp, ony turaqty ádetke ainaldyrýdyń ózi úlken jetistik.
Paiym
Ózimizge jyldyq esep berý mindetti. Bul — ózimizden qashpai, ózimizge taǵy bir taban jaqyndaýdyń amaly. Taýdai jetistikterge jetpesek te, ózimizdi qunsyzdandyrmai jyldyń sońyn ádemi, jaily sezimmen aiaqtaý mańyzdy.Bir jylda ne ózgerdi? Qandai baǵytta ketip baramyz? Qanshalyqty óstik? Osyny anyqtap, tulǵalyq qalyptasý jolyndaǵy shaǵyn eńbekterimiz úshin ózimizdi maqtan tutý kelesi jylǵa senimdi túrde ádemi úmitpen qadam basýdyń kepili.
Dinara Bolat
.jpg)
