Búgin Ulttyq Bank bazalyq mólsherlemeni 10,25% deńgeide saqtaýǵa sheshim qabyldady. Bankterge ótimdilik berý operatsiialary boiynsha mólsherleme 11,25%, al ótimdilikti alý operatsiialary boiynsha – 9,25% boldy. Resmi qaita qarjylandyrý mólsherlemesi 10,25% deńgeiinde saqtaldy, dep habarlaidy Baq.kz aqparat agenttigi.
Bul týraly QR Ulttyq Bankiniń Tóraǵasy Daniiar Aqyshev Almaty q. televiziialyq BAQ úshin brifingte sóilegen sózinde habarlady.
Bazalyq mólsherleme Qazaqstanda burynǵy deńgeide qaldy "(((
Ol atap ótkendei, aǵymdaǵy jylǵy tamyzda Ulttyq Bank málimdegen qysqa merzimdi perspektivadaǵy bazalyq mólsherlemeni tómendetý perspektivalary az boldy.
«Bazalyq mólsherlemeni tómendetý jaǵyna qarai onyń odan ári serpininiń yqtimaldylyǵy halyqtyń, sol siiaqty biznestiń infliatsiialyq jáne devalvatsiialyq kútýlerdi turaqtandyrýyna bailanysty», - dedi Daniiar Aqyshev.
Bazalyq mólsherleme boiynsha keiingi sheshim, Aqyshevtyń aitýynsha, 2017 jylǵy 27 qarashada Astana ýaqyty boiynsha saǵat 17.00-de jariialanatyn bolady.
Infliatsiia nysanaly diapazon sheńberinde turýdy jalǵastyrdy
Sonymen qatar, Daniiar Aqyshev Ulttyq Banktiń infliatsiia boiynsha baǵalaýy onyń naqty deńgeiine tolyq sáikes keletinin atap ótti.
«Qyrkúiekte jyldyq infliatsiia 7,1% boldy jáne nysanaly dáliz ortasynda tur. Qyrkúiekte infliatsiia 0,3% boldy» - dedi Bas bankir.
Infliatsiialyq aianyń saqtalýyna halyq tarapynan keiinge qaldyrylǵan suranys faktory retinde azyq-túlikke jatpaityn taýardyń baǵasy 8,2%-ǵa ósýi yqpal etti dep túsindirdi ol.
«Eger ótken jyly halyqtyń azyq-túlikke jatpaityn taýarǵa shyǵystary tómendegen bolsa, al aǵymdaǵy jylǵy 2-toqsannyń qorytyndylary boiynsha sońǵy 10-toqsandaǵy eń joǵarǵy mánge jetti» - deidi Daniiar Aqyshev.
Azyq-túlik taýarlarynyń naryǵynda sońǵy úsh ai ishinde baǵanyń maýsymdyq baiaýlaý baiqaldy. D. Aqyshevtyń sózderi boiynsha, olardyń ósimin jyldyq kórsetkish boiynsha maýsymdaǵy 9,7%-dan qyrkúiekte 7,8%-ǵa deiin birtalai tómendetti. Halyqqa aqyly qyzmettiń tarifteri ósýi jyldyq kórsetkish boiynsha tómen bolyp qalýda – jyldyq kórsetkish boiynsha 5,2%.
«Jemis-kókónis óniminiń, energiia tasymaldaýshylardyń jáne retteletin tarifterdiń baǵasy qubylmaly aýytqýyn eskermeitin bazalyq infliatsiia tamyzda jyldyq kórsetkish boiynsha 6,7% boldy», - dedi qarjy retteýshiniń basshysy.
Ulttyq Banktiń baǵalaýy boiynsha infliatsiialyq qor aǵymdaǵy jyldyń sońyna deiin qalypty bolyp qalady. Negizgi infliatsiialyq qysym keiingi qaldyrylǵan suranysty iske asyrý, sol siiaqty janar-jaǵar mai materialdary naryǵyndaǵy ahýal nátijesinde azyq-túlikke jatpaityn taýarlar jaǵynda saqtalady.
D.Aqyshevtyń aitýynsha, azyq-túlik qurylymynda infliatsiialyq qysym jekelegen taýarlar naryǵynda baiqalatyn bolady, biraq ol azyq-túlik taýarlarynyń negizgi toby boiynsha turaqty ahýalmen óteletin bolady.
«Ulttyq Bank halyqtyń infliatsiialyq kútýleriniń turaqtanýyna asa mán beredi jáne osy baǵytta bar kúsh-jigerin salýdy jalǵastyrady. Atalǵan mindettiń mańyzdylyǵy halyqtyń baǵanyń bolashaqtaǵy ózgerýi týraly boljamdary naqty infliatsiiaǵa áser etýi múmkin – bul bárimizge jaqsy tanys jáne teoriialyq turǵyda dáleldengen fakt, - dedi QR Ulttyq Bankiniń Tóraǵasy.
Sondai-aq, ol qyrkúiektegi pikirterimniń infliatsiianyń bir jyl burynǵy sandyq baǵalanýy, tamyzda da 2018 jylǵa nysanaly dáliz sheginde qalyp, 6,5% bolǵanyn atap ótti.
«Tutynýshylyq kredittiń óskeni baiqalady, ol jyl basynan beri 11% boldy. Tutynýshylyq kredittiń ósýi jáne yntalandyratyn fiskaldy saiasat jiyntyq suranysty arttyrýdyń negizgi draiverleri bolyp tabylady», - dep sózin qorytty D.Aqyshev.
Ekonomikadaǵy iskerlik belsendilikti qalpyna keltirý jalǵasýda
Naqty kórsetkishte ekonomikalyq belsendilik indeksi joǵary deńgeide saqtalyp otyr. Tamyzda eldegi jiyntyq usynysty sipattaityn qysqamerzimdi ekonomikalyq indikatordyń artýy jyldyq kórsetkishte 7,8%-dy qurady.
«Ósý qarqynynyń jedeldeýi ónerkásipte, saýdada, kólik pen bailanys qyzmetterinde baiqalady. Syrtqy suranys ósýde», - dedi jýrnalisterge D.Aqyshev.
Onyń aitýynsha, sondai-aq qurylysta, aýylsharýashylyǵynda báseńdeý baiqalady, sondai-aq álsiz investitsiialyq belsendilik.
«Taýar jáne shikizat naryqtaryndaǵy ahýal syrtqy sektor tarapynan jaǵymdy yqpal etýi yqtimal. Qyrkúiekte munai baǵasy ortasha alǵanda bir barrel úshin 55 AQSh dollarynan joǵary deńgeide qalyptasty», - dedi D.Aqyshev.
Qorytyndylai kele, ol azyq-túlikke álemdik baǵa serpini álemdik astyq óndirisiniń jáne qant naryǵyndaǵy qaita óndirýdiń rekordtyq kólemi Qazaqstanda qysqa jáne ortasha merzimdi bolashaqta infliatsiianyń tómendeýine jaǵymdy yqpal etýi múmkin ekendigin atap ótti.
Ishki valiýta naryǵyndaǵy jaǵdai
Qazirgi ýaqytta ishki valiýta naryǵynda basym jaǵdaida alypsatarlyq faktorǵa bailanysty bolǵan qubylmalylyq baiqalady. Búgingi saýda -sattyqtyń qorytyndylary boiynsha aiyrbastaý baǵamy bir AQSh dollary úshin 341,51 teńge deńgeiinde qalyptasty. Sheteldik valiýtaǵa suranystyń ulǵaiýy sońǵy ýaqytta ósken devalvatsiialyq kútýlermen bailanysty boldy.
«Sheteldik valiýtaǵa artyq suranysty qanaǵattandyrý úshin Ulttyq bank 2017 jylǵy qyrkúiekte ony satýshy boldy. Ulttyq Banktiń netto- interventsiialarynyń kólemi 69,7 mln. AQSh dollary boldy» - dedi D.Aqyshev.
Ol jyldyń aiaǵyna deiin Ulttyq Banktiń Ulttyq qordan shamamen 1 mlrd AQSh dollary mólsherinde sheteldik valiýtany birjalyq valiýta naryǵynda satýy múmkin ekendigin aitty. Jáne ony Ulttyq qordyń AQSh dollarynda, al biýdjetke teńgemen qajet bolǵandyqtan, Ulttyq qordyń transfertinen biýdjetke aýdarý úshin teńgemen qajetti somany jasaý úshin qajet dep túsindirdi.
Qarjy retteýshisiniń basshysy qazirgi kezde Zeinetaqy qorynyń baǵamdyq aiyrmadan túsken tabysyn bekitý úshin qolaily jaǵdaidyń oryn alyp kele jatqanyn aityp ótti.
«Aǵymdaǵy jyly Zeinetaqy qory sheteldik valiýtany satyp alǵan ortasha baǵam 316,02 teńge boldy. Aiyrbastaý baǵamy boiynsha aǵymdaǵy túzetýler men sheteldik aktivter úlesi boiynsha maqsatty deńgeige qol jetkizgenin eskere kelgende, Qazaqstannyń qor birjasynda Zeinetaqy qorynyń sheteldik valiýtasynyń bir bóligi satylýy múmkin. Bul onyń salymshylary úshin alynǵan tabysty bekitýge múmkindik beredi», - dep túsindirdi D.Aqyshev.
Valiýtalyq naryqtaǵy ahýal boiynsha taiaý aradaǵy kútýlerge kelsek, D. Aqyshev básekege qabilettilik jaǵynan qaraǵanda saýda áriptesteri elderindegi valiýtalarǵa qatysty teńgeniń jete baǵalanbaýynan, teńgeniń budan ári nyǵaiý yqtimaldyǵynyń joǵary ekendigi týraly habarlady.
«Qazaqstanda aqsha-kredit talaptary beitarap deńgeide tur»
Ishki aqsha naryǵynda artyq ótimdilik saqtalyp otyr, ony Ulttyq Bank kóbinese, qysqa merzimdi nottar shyǵarý arqyly alyp tastaidy.
Ol 2017 jylǵy 6 qazandaǵy jaǵdai boiynsha Ulttyq Banktiń aqsha naryǵynda ótimdilikti taza alýy 1,6 trln. teńge bolǵandyǵyn atap ótti. Ainalystaǵy qysqa merzimdi nottardyń kólemi qyrkúiekte 1,8%-ǵa (2,7 trln. teńgege) ulǵaidy. Nottar boiynsha kiristilik merzimine qarai 8,84-9,66% diapazonynda qalyptasty. Osynyń saldarynan, TONIA mólsherlemesi bazalyq mólsherlemeniń tómengi shegine jaqyn qalyptasady. 2017 jylǵy 6 qyrkúiektiń qorytyndylary boiynsha ol 9,25% boldy.
Jalpy alǵanda, aqsha-kredittik jaǵdai beitarap deńgeide tur. QR Ulttyq Banki Tóraǵasynyń sózi boiynsha, 2017 jylǵy tamyzda bolǵan salymdardyń dollarlaný deńgeiiniń biraz kóterilýi basym túrde valiýtany qaita baǵalaýǵa jáne valiýta naryǵyndaǵy jaǵdaiǵa depozitorlardyń qysqamerzimdi áserine bailanysty boldy.
«Banktik salymdar boiynsha paiyzdyq mólsherleme deńgeii teńgemen jinaqtar úshin qolaily bolyp qalýda. Biznes úshin kreditter boiynsha mólsherlemeniń tómendeýi bazalyq mólsherlemeniń ósýinen keiin keledi», - dedi D. Aqyshev.
