2020 jyldyń sońyna deiin meditsina qyzmetkerlerine qosymsha aqy tóleý úshin 135 mlrd astam teńge qajet, dep habarlaidy QazAqparat.
QR Densaýlyq saqtaý ministrligi buiryqqa ózgerister engizip, ústemaqy alatyn meditsina qyzmetkerleriniń tizimi keńeitildi. Jańa tizimge mobildi brigada dárigerleri men meiirbike, MSAK janyndaǵy jedel járdem qyzmetkerleri, sondai-aq áskeri-meditsinalyq, ortalyq atqarýshy organdardyń sot-meditsinalyq bólimsheleriniń jáne ózge de ortalyq memlekettik organdar men olardyń vedomstvolarynyń, QR PIB Meditsinalyq ortalyǵyna qarasty uiymdardyń qyzmetkerleri kirdi.
«Infektsiia taraǵan qaýipti jaǵdaida jumys istegen meditsina qyzmetkerleriniń sany epidemiologiialyq jaǵdaiǵa bailanysty ai saiyn ózgerip otyrady. Eger naýryzda koronavirýsqa qarsy jumys isteýge 19 myń meditsina qyzmetkeri tartylsa, mysaly, shildede olardyń sany 79 myńǵa deiin ósti», - dedi «Áleýmettik meditsinalyq saqtandyrý qory» KEAQ Basqarma tóraǵasy Bolat Tókejanov.
Memleket basshysy Qazaqstan halqyna Joldaýynda COVID-19-ǵa qarsy kúres aiasynda densaýlyq saqtaý uiymdarynyń qyzmetkerlerine ekinshi jarty jyldyqta yntalandyrý retinde 150 mlrd teńge bólýdi tapsyrǵan edi. Qor jyl sońyna deiin meditsina qyzmetkerlerine ústemaqy tóleý úshin qajetti qarjynyń boljamdy esebin jasady, shamamen 135 mlrd teńge qajet.
