2020 جىلدىڭ سوڭىنا دەيٸن مەديتسينا قىزمەتكەرلەرٸنە قوسىمشا اقى تٶلەۋ ٷشٸن 135 ملرد استام تەڭگە قاجەت, دەپ حابارلايدى قازاقپارات.
قر دەنساۋلىق ساقتاۋ مينيسترلٸگٸ بۇيرىققا ٶزگەرٸستەر ەنگٸزٸپ, ٷستەماقى الاتىن مەديتسينا قىزمەتكەرلەرٸنٸڭ تٸزٸمٸ كەڭەيتٸلدٸ. جاڭا تٸزٸمگە موبيلدٸ بريگادا دەرٸگەرلەرٸ مەن مەيٸربيكە, مساك جانىنداعى جەدەل جەردەم قىزمەتكەرلەرٸ, سونداي-اق ەسكەري-مەديتسينالىق, ورتالىق اتقارۋشى ورگانداردىڭ سوت-مەديتسينالىق بٶلٸمشەلەرٸنٸڭ جەنە ٶزگە دە ورتالىق مەملەكەتتٸك ورگاندار مەن ولاردىڭ ۆەدومستۆولارىنىڭ, قر پٸب مەديتسينالىق ورتالىعىنا قاراستى ۇيىمداردىڭ قىزمەتكەرلەرٸ كٸردٸ.
«ينفەكتسييا تاراعان قاۋٸپتٸ جاعدايدا جۇمىس ٸستەگەن مەديتسينا قىزمەتكەرلەرٸنٸڭ سانى ەپيدەميولوگييالىق جاعدايعا بايلانىستى اي سايىن ٶزگەرٸپ وتىرادى. ەگەر ناۋرىزدا كوروناۆيرۋسقا قارسى جۇمىس ٸستەۋگە 19 مىڭ مەديتسينا قىزمەتكەرٸ تارتىلسا, مىسالى, شٸلدەدە ولاردىڭ سانى 79 مىڭعا دەيٸن ٶستٸ», - دەدٸ «ەلەۋمەتتٸك مەديتسينالىق ساقتاندىرۋ قورى» كەاق باسقارما تٶراعاسى بولات تٶكەجانوۆ.
مەملەكەت باسشىسى قازاقستان حالقىنا جولداۋىندا COVID-19-عا قارسى كٷرەس اياسىندا دەنساۋلىق ساقتاۋ ۇيىمدارىنىڭ قىزمەتكەرلەرٸنە ەكٸنشٸ جارتى جىلدىقتا ىنتالاندىرۋ رەتٸندە 150 ملرد تەڭگە بٶلۋدٸ تاپسىرعان ەدٸ. قور جىل سوڭىنا دەيٸن مەديتسينا قىزمەتكەرلەرٸنە ٷستەماقى تٶلەۋ ٷشٸن قاجەتتٸ قارجىنىڭ بولجامدى ەسەبٸن جاسادى, شامامەن 135 ملرد تەڭگە قاجەت.
