Qazirgi tańda «Tsifrly Qazaqstan» memlekettik baǵdarlamasy aiasynda barlyq qyzmet túrlerin elektrondy qyzmetke aýystyrý jumystary qarqyndy túrde júrip jatyr. Sonyń nátijesinde búginde memlekettik tizilimde 700-ge jýyq qyzmet bar. Al jyl sońyna deiin elektrondy túrde kórsetiletin memlekettik qyzmetter kólemin 90 paiyzǵa jetkizý josparlanǵan, – dep habarlaidy «Ult aqparat».
QR Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin aitýynsha, joǵaryda atalǵan 700-ge jýyq qyzmettiń 85,5 paiyzy onlain túrde kórsetiledi. Al bul kórsetkishti jyl sońyna deiin 90 paiyzǵa jetkiziletin bolady.
«Tsifrly Qazaqstan» memlekettik baǵdarlamasy aiasynda tsifrlandyrý jumystary ýaqytyly aiaqtalýy kerek. Memlekettik qyzmet ister agenttigi kórsetiletin qyzmetter sapasyn baqylaýda. Olar júrgizgen qoǵamdyq monitoring nátijesin qarasaq, elimizdiń aýmaqtarynda halyqtyń memlekettik qyzmettermen qanaǵattaný deńgeiin kóterý qajet ekendigi aiqyn. Memlekettik qyzmetti alý úshin halyq áli de tikelei memlekettik organǵa nemese ákimdikke júginedi. Osyndai qyzmetter sany – 200-den astam», - dedi ministr Baǵdat Mýsin.
Ministrdiń aitýynsha, halyqtan túsken 2 mln-nan astam ótinishtiń 30 paiyzy memlekettik qyzmetke ekeni anyqtalǵan. Osyndai jaǵdaida Halyqqa qyzmet kórsetý ortalyqtaryna qaraǵanda merzimderi buzylýy múmkin. Óitkeni, baqylaýǵa arnalǵan aqparattyq júiege kirmeidi jáne jeke qarym-qatynas kezinde sybailas jemqorlyq bolýy múmkin. Bul máseleni sheshý maqsatynda barlyq qyzmetterdi balamasyz tek HQKO-larda nemese elektrondy túrde kórsetiledi dep josparlanyp otyr.
Osyndai qarqyndy jumystardyń nátijesinde keler jyly elektrondy qyzmet túrleri jaqsaryp, «qaǵaz» anyqtama tolyǵymen joiylady dep josparlanǵan. Bul týraly QR Premer-Ministri Asqar Mamin Tsifrlyq damý, innovatsiialar jáne aeroǵarysh ónerkásibi ministrligine tapsyrma berdi. Iaǵni eń qajetti áleýmettik mańyzdy memlekettik qyzmetterdi mobildi formatqa kóshirý jumysyn jandandyrý týraly tilge tiek etti.
«Jalpy 2021 jyly «qaǵaz» anyqtamalardyń qajettiligin tolyǵymen joiýymyz kerek. «Azamattarǵa arnalǵan úkimet» korporatsiiasynan qyzmetterdi jetkizýdi jáne barlyq onlain qyzmetter men servisterdiń 100 paiyz qoljetimdiligi qamtamasyz etýimiz qajet», – dedi Úkimet basshysy.
Sonymen qatar, Tsifrlyq damý ministrligine múddeli memlekettik organdarmen birlesip, barlyq áleýmettik mańyzdy memlekettik qyzmetterdi eGov mobailǵa aýystyrý boiynsha jospardy bekitýdi tapsyrsa, Densaýlyq saqtaý ministrligine azamattarǵa qajetti elektrondyq meditsinalyq málimetterdi berýdi qamtamasyz etýdi, Eńbek ministrligi memlekettik organdarmen birlesip, zeinetaqy men járdemaqylardy taǵaiyndaý jáne tóleý protsesterin tsifrlandyrý úshin qajetti derekterdi tolyq tsifrlandyrý men jańartýdy qamtamasyz etýdi júktedi.
Úkimet basshysynyń aitýynsha, ipoteka alý jáne kepilge qoiý mehanizmin barynsha jeńildetý qajet. Ol úshin servis pen keri bailanys deńgeiin arttyrý qajet.
Esterińizge sala keteiik, qazirgi tańda «Tsifrly Qazaqstan» memlekettik baǵdarlamasy aiasynda barlyq qyzmet túrlerin elektrondy qyzmetke aýystyrý jumystary qarqyndy túrde júrip jatyr. Sonyń nátijesinde búginde memlekettik tizilimde 700-ge jýyq qyzmet bar. Al jyl sońyna deiin elektrondy túrde kórsetiletin memlekettik qyzmetter kólemin 90 paiyzǵa jetkizý josparlanǵan. QR Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin aitýynsha, joǵaryda atalǵan 700-ge jýyq qyzmettiń 85,5 paiyzy onlain túrde kórsetiledi. Al bul kórsetkishti jyl sońyna deiin 90 paiyzǵa jetkiziletin bolady.
