Jyl sońyna deiin 24 joǵary oqý orny tekseriledi. Bul týraly QR Bilim jáne ǵylym ministri Ashat Aimaǵambetov aitty, dep habarlaidy QazAqparat.
«Diplom basyp shyǵaratyn ýniversitetter qatań sharalar qoldaný týraly Memleket basshysynyń tapsyrmasy bar. Biz osy tapsyrmanyń aiasynda qazirdiń ózinde 5 joǵary oqý ornyn azaittyq. Onda 35 myń stýdent bilim alǵan. 23 joǵary oqý orny 56 baǵyt boiynsha litsenziiasyn qaitardy», - dedi ministr Úkimet úiinde ótken baspasóz máslihatynda.
Onyń atap ótýinshe, bul jumystar aldaǵy ýaqytta da jalǵasyn tabady.
«Jyl sońyna deiin 24 joǵary oqý ornyn tekserip, tiisti shara qoldanamyz. Talaptardy kúsheittik. Tekseris júrgizilip jatyr», - dedi Ashat Aimaǵambetov.
Sonymen qatar ol Memleket basshysy tarapynan ǵylym salasyna da qatysty mańyzdy tapsyrmalar bolǵanyn aitty.
«Aitalyq, ǵylymi-tehnologiialyq damytý boiynsha arnaiy baǵdarlamalyq qujat qabyldaý kópten beri ǵalymdarymyzdyń kókeiinde júrgen máseleniń biri bolatyn. Bul másele de sheshimin tabady. Ony barlyq sarapshylarmen, ǵalymdarmen birlesip sheshetin bolamyz. 500 ǵalymǵa taǵlymdamadan ótýge múmkindik jasap, 1 myń jas ǵalymǵa zertteý júrgizýge granttar beremiz», - dedi ol.
