جىل سوڭىنا دەيٸن 24 جوعارى وقۋ ورنى تەكسەرٸلەدٸ. بۇل تۋرالى قر بٸلٸم جەنە عىلىم مينيسترٸ اسحات ايماعامبەتوۆ ايتتى, دەپ حابارلايدى قازاقپارات.
«ديپلوم باسىپ شىعاراتىن ۋنيۆەرسيتەتتەر قاتاڭ شارالار قولدانۋ تۋرالى مەملەكەت باسشىسىنىڭ تاپسىرماسى بار. بٸز وسى تاپسىرمانىڭ اياسىندا قازٸردٸڭ ٶزٸندە 5 جوعارى وقۋ ورنىن ازايتتىق. وندا 35 مىڭ ستۋدەنت بٸلٸم العان. 23 جوعارى وقۋ ورنى 56 باعىت بويىنشا ليتسەنزيياسىن قايتاردى», - دەدٸ مينيستر ٷكٸمەت ٷيٸندە ٶتكەن باسپاسٶز مەسليحاتىندا.
ونىڭ اتاپ ٶتۋٸنشە, بۇل جۇمىستار الداعى ۋاقىتتا دا جالعاسىن تابادى.
«جىل سوڭىنا دەيٸن 24 جوعارى وقۋ ورنىن تەكسەرٸپ, تيٸستٸ شارا قولدانامىز. تالاپتاردى كٷشەيتتٸك. تەكسەرٸس جٷرگٸزٸلٸپ جاتىر», - دەدٸ اسحات ايماعامبەتوۆ.
سونىمەن قاتار ول مەملەكەت باسشىسى تاراپىنان عىلىم سالاسىنا دا قاتىستى ماڭىزدى تاپسىرمالار بولعانىن ايتتى.
«ايتالىق, عىلىمي-تەحنولوگييالىق دامىتۋ بويىنشا ارنايى باعدارلامالىق قۇجات قابىلداۋ كٶپتەن بەرٸ عالىمدارىمىزدىڭ كٶكەيٸندە جٷرگەن مەسەلەنٸڭ بٸرٸ بولاتىن. بۇل مەسەلە دە شەشٸمٸن تابادى. ونى بارلىق ساراپشىلارمەن, عالىمدارمەن بٸرلەسٸپ شەشەتٸن بولامىز. 500 عالىمعا تاعلىمدامادان ٶتۋگە مٷمكٸندٸك جاساپ, 1 مىڭ جاس عالىمعا زەرتتەۋ جٷرگٸزۋگە گرانتتار بەرەمٸز», - دەدٸ ول.
