QR Premer-Ministri Asqar Maminniń tóraǵalyǵymen ótken selektorlyq otyrysynda jumyspen qamtý sharalaryn iske asyrý barysy qaraldy. Elimizdegi qazirgi ahýal týraly eńbek jáne halyqty áleýmettik qorǵaý ministri Birjan Nurymbetov baiandady, dep habarlaidy "Ult aqparat" primeminister.kz saityna silteme jasap.
Elimizdegi barlyq memlekettik baǵdarlamalardyń áleýetin eskere, aǵymdaǵy jyly 1 mln 220 myń adamdy jumyspen qamtý sharalaryna tartý josparlanǵan bolatyn. Búginge 743 myń adam sol sharalarǵa tartyldy. Onyń ishinde «Eńbek» baǵdarlamasyna qatysýǵa 379 myń adam niet bildirdi. Olarǵa shaǵyn kásipkerlikpen ainalysýǵa 5 800 jeńildetilgen nesie jáne 17 200 qaitarymsyz tegin grant berildi. Memleket tarapynan jalaqysy sýbsidiialanatyn jumys oryndaryna 156 myń adam tartyldy.
«Qysqa merzimdik oqytýmen kásipkerliktiń negizderine oqytýǵa 34,5 myń adam qatysýda. Qyrkúiek aiynda qosymsha 20 myńnan astam UBT-dan ótpegen mektep túlekteri jumysshy mamandyqtar boiynsha tegin tehnikalyq kásiptik oqýǵa jiberiletin bolady. Jumyspen qamtý ortalyqtary ashyq vakansiialarǵa bergen joldamalary boiynsha, 130 myń adamǵa jumys taba aldy», — dedi ministr.
«Eńbek» baǵdarlamasy boiynsha 5 800 shaǵyn nesie alǵan qazaqstandyq qosymsha 6 151 turaqty jumys ornyn ashty. Shyǵys-Qazaqstan, Qostanai oblystary jáne Shymkent qalasy jaqsy kórsetkishterge ie.
«17 myńnan astam berilgen granttardyń 51% az qamtylǵan, kópbalaly otbasylardaǵy jumyssyzdarǵa baǵyttaldy. Bul baǵytta Jambyl oblysy jyldyq josparǵa qol jetkizip qaldy, Qaraǵandy, Soltústik Qazaqstan oblystary men Shymkent qalasy 80% astam oryndaýda», — dedi Nurymbetov.
«Jumyspen qamtý jol kartasy» boiynsha 6 400 jýyq joba iske asyrylýda. Jobalarda 154 myń adam jumys jasaýda. Onyń ishinde 73% – aýyldyq eldi mekenderde, 37% – jumyssyz júrgen jastar, 17% – keshegi beiresmi jumyspen ainalysyp júrgen azamattar jáne 9% – az qamtylǵan otbasylar múshesi.
Qurylys, jáne jóndeý jumystaryna ulttyq kásiporyndardiń keminde 90% tartý talaby saqtalýda.
Aǵymdaǵy jaǵdaiǵa baǵa beretin bolsaq, jumysqa tartylǵan 154 myń adamǵa 75 mlrd jýyq qarajat eńbek aqy maqsattaryna jumsaldy, otbasy múshelerimen qosqanda 600 myńnan astam adamǵa tabys kózi qamtamasyz etildi.
Óńirlerdi baǵalaýǵa kelsek, aqparattyq júie negizinde monitoring boiynsha Shyǵys Qazaqstan, Qyzylorda oblystary men Shymkent qalasy josparlanǵan jumys oryndaryna halyqty tartýda joǵary kórsetkishterge ie.
Óz kezeginde, Túrkistan jáne Almaty oblystarynda josparlanǵan jumys oryndaryn ashýmen halyqty tartý boiynsha jumysty belsendirý qajet. «Jol kartasyn» qarjylandyrýǵa tamyz aiynyń jospary boiynsha 240 mlrd teńge bólindi.
Ministr memlekettik baǵdarlamalardyń áleýmettik-ekonomikalyq oń áseri jóninde aitty. Taǵy 683 nysan óńirlerde áleýmettik aktiv retinde halyqqa qyzmet etetin bolady. Onyń ishinde bilim berý salasyndaǵy jańa 80 qurylys pedagogterge 10 myń jańa turaqty jumys oryndaryn beredi.
Densaýlyq, mádeniet, sport, týrizm salasyndaǵy jańa 60 qurylys jobasynda 20 myń turaqty jumys orny qurylady.
«153 sý sharýashylyǵy nysanynyń qurylysy men jańǵyrtylýy sýarmaly, jaiylymdyq jerlerdiń kólemin edáýir arttyryp, aýyl sharýashylyǵynda 77 myń turaqty jumys ornyn qurýǵa múmkindik beredi dep baǵalanýda. 400 jýyq kommýnaldyq sharýashylyq nysandary, 8 myń km-den astam kalalyq, aýyldyq joldar, 900 eldi mekendi abattandyrý halyqtyn ómir súrý sapasyn arttyrýǵa baǵyttalǵan», — dedi vedomstvo basshysy.
Jol kartasy qarajatyn paidalana, koronovirýs indetimen kúresý baǵytynda 13 jańa infektsiialyq emhana qurylysy júrgiziletin bolady. Óz kezeginde, qosymsha 5 myń turaqty jumys ornyn ashylady. Jalpy, baǵdarlama aiasynda 100 myńnan astam turaqty jumys orny qurylady.
Sonymen qatar, jyl basynda ár ákimmen jasalǵan memorandýmdar boiynsha óńirlerde biyl 431,5 myń jumys oryny qurylýy tiis. 7 aida 300 207 jumys orny qurylǵan, onyń ishinde 149 myńy – turaqty jumys oryndary, 135 myńy – aýylda.
Soltústik Qazaqstan jáne Mańǵystaý, Qyzylorda oblystarda turaqty jumys oryndar úlesi 70% artsa, Aqmola, Batys Qazaqstan jáne Qaraǵandy oblystarynda kerisinshe, ýaqytsha jumys oryndarynyń úlesi basym.
Sońǵy ailarda halyqtyń Elektrondy eńbek birjasyn qatysý, paidalý qarqyny joǵarylaýda. Jyl basymen salystyrǵanda jumys berýshiler tarapynan usynǵan vakansiialar sany 8,5 esege ósip otyr, óz kezeginde, jumys izdep óz reziýmelerin jariialaǵan adamdar sany 8 esege ósken. Nátijesinde 7 aida 333 myń adam EEB arqyly ózderine jumys tapty, onyń 57% – turaqty jumys oryndary.
«Azamattar jumys izdeý maqsatynda jumyspen qamtý ortalyqtaryna da belsendi júginýde. Orta eseppen aiyna 60 myń adam júginedi. Memlekettik baǵdarlamalarǵa qatysý úshin resmi jumyssyz retinde tirkelgenderdiń sany jyl basynan 8 ese artqan, óz kezeginde, jumysqa ornalastyrý kórsetkishi 11 ese artyp otyr», — dedi Nurymbetov.
Qosymsha, resmi jumyssyz 50 200 adam Memlekettik áleýmettik saqtandyrý qorynan jumyssyzdyqqa qatysty arnaiy tólem alýda. Olarǵa 7 aida 5,5 mlrd teńge tólendi.
Sonymen qatar, koronavirýsqa qatysty shekteýler saldarynan tabyssyz qalǵan azamattarǵa tótenshe jaǵdai kezinde áleýmettik saqtandyrý qorynan eń tómengi jalaqy kóleminde 4,6 mln adamǵa 322 mlrd teńge tólengen. Sońǵy qatańdatqan karantindik shekteýler kezinde 2,3 mln astam adamǵa 147 mlrd teńge tólendi. Bul jumystar jalǵasýda.
Óz kezeginde Shyǵys Qazaqstan oblysynyń ákimi Danial Ahmetov «Jumyspen qamtýdyń jol kartasyn» iske asyrý 19 myńnan astam jumys ornyn nemese jospardyń 102% qurýǵa yqpal etkenin habarlady.
«7 aidyń qorytyndysy boiynsha 42 mlrd teńge nemese aǵymdaǵy jospardyń 99,5% igerildi. Jumyspen qamtýdyń jol kartasy aiasynda júzege asyrylyp jatqan 817 jobanyń 14,4 mlrd teńge quraityn 626 jobasy aiaqtaldy», — dedi Ahmetov.
Sonymen qatar, 17 myń adam «Eńbek» baǵdarlamasyna qatysty, onyń ishinde 11 myńnan astam adam jumysqa ornalastyryldy. Kóp balaly jáne az qamtylǵan otbasylar arasynda kásipkerlikti damytýǵa erekshe kóńil bólinedi. 3,5 mlrd teńgege 704 kredit nemese jyldyq jospardyń 83% berildi, onyń ishinde 378 mln teńge 96 kóp balaly otbasyna berildi.
Bul ótken jylmen salystyrǵanda 1,5 esege kóp. 403 mln teńgege 728 grant, onyń ishinde 285 kóp balaly jáne 127 az qamtylǵan otbasyǵa berildi. Óńir basshysynyń aitýynsha, eńbek mobildigi aiasynda oblysqa 532 adam (200 otbasy) kóship keldi, bekitilgen kvota - 600 adam. Jalpy, aǵymdaǵy jyly oblysta 45 myń jumys ornyn qurý josparlanǵan. Búgingi tańda 35 myń jumys orny quryldy, ol jyldyq jospardyń 78% quraidy. Bul jumyssyzdyqty 4,9% deńgeiinde saqtaýǵa múmkindik berdi.
Jambyl oblysynyń ákimi Berdibek Saparbaev búgingi kúnge Jambyl oblysynda barlyǵy jumyspen qamtýdyń belsendi sharalaryna 44 488 adam tartylǵanyn jetkizdi. Onyń ishinde «Eńbek» baǵdarlamasymen 30 600 adam, «Jumyspen qamtýdyń jol kartasymen» 9 359 adam jáne basqa da memlekettik baǵdarlamalarmen 4529 adam qamtylǵan. Jumyspen qamtýdyń belsendi sharalaryna tartylǵandardyń 37 252-i jumysqa ornalastyryldy.
«Aǵymdaǵy jyly 20,1 myń jańa jumys ornyn qurý josparlanyp, esepti kezeńge 26,1 myń jańa jumys orny qurylyp, jospar 130% oryndaldy. Osy jumys oryndarynyń ishindegi turaqty jumys oryndarynyń úlesi 63% qurady», — dedi oblys ákimi.
Eńbek naryǵyna tartylǵandardyń 45%-y jumyssyzdar bolsa, 55%-y – ózin-ózi jumyspen qamtyǵandar. Olardyń 15,8 myńy nemese 35,5%-y – jastar, 7,1 myń adam nemese 15,9%-y – az qamtylǵandar, 17,5 myńy nemese 39,3%-y – áielder. Myńnan asa múmkindigi shekteýli azamattar jumysqa ornalastyryldy. Búgingi kúnge «Eńbek» memlekettik baǵdarlamasyna 30 600 adam tartyldy.
B. Saparbaev atap ótkendei, «Eńbek» baǵdarlamasynyń halyqqa qajetti eń tiimdi quraldarynyń biri shaǵyn nesielendirý men ózi isin bastaýǵa qaitarymsyz granttar berý bolyp otyr. Barlyǵy shaǵyn nesiege 5,4 mlrd teńge qaralyp, búgingi kúnge 634 adamǵa 2,5 mlrd teńgeniń nesiesi berildi, qaralǵan qarjynyń 46,3% igerildi. Qaitarymsyz grant berýge 1,8 mlrd teńge qaralyp, qarjy tolyq igerilip, 3 253 adam grant aldy.
Jumyspen qamtýdyń Jol kartasyn iske asyrý nátijesinde 87 bilim berý nysany jóndelip, 2,4 myń jumys orny qurylady, 54 densaýlyq nysanynda 1,1 myń jumys orny qurylady, turǵyn úi kommýnaldyq sharýashylyǵynda 179 nysanda jumystar júrgizilip, 8,1 myń jumys orny, 208 injenerlik-tasmaldaý infraqurylymy jańartylyp, 5,5 myń jumys orny, 124 eldi meken abattandyrylyp, 1,4 myń jumys orny qurylady. Tirkelgen jumyssyzdar ishinen 2,4 myń adam jumysynan aiyrylýy boiynsha memlekettik áleýmettik saqtandyrý qorynan 292,2 mln teńgeniń áleýmettik tólemin aldy.
Soltústik Qazaqstan oblysynyń ákimi Qumar Aqsaqalov memlekettik baǵdarlamalardy iske asyrý aiasynda osy jyly 10 myńnan astam jańa jumys orny qurylǵanyn, onyń 90% - turaqty jumys orny ekenin jetkizdi.
«Osynyń bári jaldamaly jumysshylar sanyn 214,7 myń adamǵa, eńbek aqyny - 1,2 esege jáne nátijesinde biýdjettiń kiris bóligin 1,3 mlrd teńgege arttyrýǵa múmkindik berdi», — dedi Aqsaqalov.
«Eńbek» baǵdarlamasyna 13 myń adam tartyldy. Jumys berýshilerdiń ótinimi boiynsha 540 jumyssyz suranysqa ie mamandyqtar boiynsha oqyp jatyr. 660 astam adam kásipkerlik negizderine oqytyldy. Sonymen birge árbir ekinshi adam óz isin ashty.
Shaǵyn jáne orta biznesti damytý maqsatynda 1,9 mlrd teńgege 1,4 myńnan astam kreditter men granttar berildi. Bul 1 400 jańa jumys ornyn ashýǵa múmkindik jasaidy. Jumyspen qamtýdyń belsendi sharalarymen 4,8 myń adam qamtyldy. Jalpy, qabyldanǵan sharalar kesheni halyqtyń aqshalai tabysyn 20% arttyrýǵa múmkindik berdi.
Eńbek resýrstarynyń mobildiligin arttyrý aiasynda oblysqa 1 425 adam keldi. Eńbekke jaramdy adamdardyń 80% jumyspen qamtyldy.
«Jyl sońyna deiin 700 adam qabyldaýdy josparlap otyrmyz. Júrgizilgen jumys kóshi-qon protsesin jaqsartyp qana qoimai, pedagogikalyq kadrlardyń tapshylyǵyn tolyq japty, sondai-aq meditsinalyq qyzmetkerler men aýyl sharýashylyǵy mamandarynyń tapshylyǵyn 20% qysqartty», — dedi óńir basshysy.
Daǵdarysqa qarsy sharalar aiasynda 377 joba iske asyryldy onyń 20% aiaqtaldy. Bekitilgen kestege sáikes 4 myń jumys orny quryldy, olardyń eńbekaqysyn tóleýge 1,1 mlrd teńge jumsaldy. Sonymen birge 65% Jumyspen qamtý ortalyǵy arqyly jumysqa ornalastyryldy.
«Jumyspen qamtýdyń jol kartasy óńirdiń infraqurylymyn jaqsartyp qana qoimaidy, sonymen birge 1 100 biznes sýbektisin tartty, onda 6,8 myń adam jumys isteidi. Jobalardy iske asyrý qorytyndysy boiynsha 2 myńǵa jýyq jańa jumys orny qurylatyn bolady», — dedi Aqsaqalov.
Batys Qazaqstan oblysynyń ákimi Ǵali Esqaliev «Eńbek» memlekettik baǵdarlamasy sheńberinde negizgi josparly kórsetkishterdiń oryndalyp jatqanyn aitty. Shaǵyn nesielendirýge 4,4 mlrd teńge bólingen, 276 adam jalpy somasy 1,2 mlrd teńgege shaǵyn nesie aldy (26%).
«Shaǵyn nesieniń az kólemde berilýi qarajatty tek sáýir aiynyń aiaǵynda alyp, olardy mamyr aiynda keshigip bere bastaǵanymyzǵa bailanysty. Óńirlerdiń kópshiligi shaǵyn nesie berýdi aqpan-naýryz ailarynda bastady. Óńirdiń negizgi biznesi mal sharýashylyǵy jáne maldy satyp alý kúzde ótkiziletindigin eskergende, jyl aiaǵyna deiin josparly kórsetkish oryndalady», — dedi óńir basshysy.
Jumyspen qamtý jol kartasy boiynsha 174 joba iske asyrylýda, 1 tamyzdaǵy málimet boiynsha 9,7 mlrd teńge bólindi. 17 tamyzdaǵy málimet boiynsha 4 826 jumys orny quryldy, jumyspen qamtý ortalyqtary arqyly 2366 adam jumysqa ornalastyryldy. «Eńbek» baǵdarlamasy sheńberinde 13 682 adam jumysqa ornalasty, solardyń ishinen 43% nemese 5 825 adam – turaqty jumysqa ornalasty.
Jalpy oblys boiynsha memlekettik baǵdarlamalar sheńberinde 14 myńǵa jýyq jumys orny quryldy, onyń ishinde 35% nemese 4 750-i - turaqty jumys orny.
