Kópbalaly analarǵa úi jaǵdaiynda tabys tabýǵa múmkindik jasalady. Bul týraly Senatta «Halyq tabysyn arttyrýdyń 2025 jylǵa deiingi baǵdarlamasy» keshendi josparyn iske asyrýdy talqylaý kezinde Premer-Ministrdiń orynbasary Eraly Toǵjanov málim etti, dep habarlaidy QazAqparat.
«Sonymen qatar baǵdarlamada halyqtyń áleýmettik az qamtylǵan toptarynyń turaqty tabysyn qalyptastyrý boiynsha keshendi is-sharalar qaralǵan. Atap aitqanda, kópbalaly, sondai-aq múgedektigi bar balalardy tárbielep otyrǵan analarǵa úi jaǵdaiynda tabys tabýǵa múmkindik jasaý eskerilgen. Joba aiasynda áielder eńbek naryǵynda suranysqa ie mamandyqtar boiynsha qysqa merzimdi kýrstan ótip, óz isin ashýǵa qatysty tegin konsýltatsiialar alady. Nátijesinde, jyl saiyn 20 myń áieldi jumyspen qamtý josparlanǵan», - dedi Toǵjanov.
Onyń aitýynsha, bul jumystardy Analar keńesi úilestiredi jáne óńirlerdegi otbasylardy qoldaý ortalyqtary júrgiziledi.
Sonymen qatar, osy baǵytta múgedektigi bar adamdardy jumyspen qamtý tetikteri jetildiriletin bolady.
