Búgin Ulttyq qoǵamdyq senim keńesiniń tórtinshi otyrysynda keńes múshesi Lázzat Qojahmetova aýyl mektepteri túlekterine oqýǵa túsý kezindegi kvotany 50 paiyzǵa jetkizýdi surady, dep habarlaidy QazAqparat.
Aýyl mektepteri túlekterine oqýǵa túsý kvotasyn 50 paiyzǵa jetkizý usynyldy
«Jyl saiyn 21 myńǵa jýyq mektep túlegi joǵary oqý ornyna túse almaidy eken. Onyń basym bóligi aýyldan shyqqandar, iaǵni aýyldaǵy bilim men qaladaǵy bilim teń emes. Biraq ýniversitetke túsetin kezde aýyl men qala oqýshysyna talap birdei qoiylady. Osyǵan bailanysty qazir aýyldan shyqqan túlekter ýniversitetke túsetin bolsa, 30 paiyz kvota qarastyrylǵan. Biz óz tarapymyzdan aýyldyq túlekterge arnalǵan kvotany 50 paiyzǵa deiin arttyrýdy suraimyz», - dedi L. Qojahmetova.
Sonymen qatar ol jastar praktikasy baǵdarlamasyna toqtaldy.
«Diplom alǵan jas ózinde eńbek ótili men tájiribe bolmaǵannan keiin, jumysqa tura almai júredi. Jastar praktikasy baǵdarlamasy arqyly kez kelgen ulttyq kompaniiaǵa, memlekettik mekemege jumysqa tursa, jumyspen qamtý ortalyǵy onyń 6 ailyq jalaqysyn tóleidi. Osy merzimde sol jerde ózin jaqsy kórsete alsa, bul mekemelerde jumysqa qalady. Biraq jastar praktikasy baǵdarlamasy boiynsha jumys isteýge jastar qulyqsyz. Sebebi onyń jalaqysy qolǵa alǵanda 60 myń teńge shamasynda. Oqýdy bitirip kelgen jas jigit 60 myń teńgege ómir súre almaityndyqtan, bul baǵdarlamamen jumysqa barmaidy. Sol sebepti jastar praktikasy arqyly tólenetin jalaqy kólemin kóbeitýdi suraimyz», - dedi keńes múshesi.
