بٷگٸن ۇلتتىق قوعامدىق سەنٸم كەڭەسٸنٸڭ تٶرتٸنشٸ وتىرىسىندا كەڭەس مٷشەسٸ لەززات قوجاحمەتوۆا اۋىل مەكتەپتەرٸ تٷلەكتەرٸنە وقۋعا تٷسۋ كەزٸندەگٸ كۆوتانى 50 پايىزعا جەتكٸزۋدٸ سۇرادى, دەپ حابارلايدى قازاقپارات.
اۋىل مەكتەپتەرٸ تٷلەكتەرٸنە وقۋعا تٷسۋ كۆوتاسىن 50 پايىزعا جەتكٸزۋ ۇسىنىلدى
«جىل سايىن 21 مىڭعا جۋىق مەكتەپ تٷلەگٸ جوعارى وقۋ ورنىنا تٷسە المايدى ەكەن. ونىڭ باسىم بٶلٸگٸ اۋىلدان شىققاندار, ياعني اۋىلداعى بٸلٸم مەن قالاداعى بٸلٸم تەڭ ەمەس. بٸراق ۋنيۆەرسيتەتكە تٷسەتٸن كەزدە اۋىل مەن قالا وقۋشىسىنا تالاپ بٸردەي قويىلادى. وسىعان بايلانىستى قازٸر اۋىلدان شىققان تٷلەكتەر ۋنيۆەرسيتەتكە تٷسەتٸن بولسا, 30 پايىز كۆوتا قاراستىرىلعان. بٸز ٶز تاراپىمىزدان اۋىلدىق تٷلەكتەرگە ارنالعان كۆوتانى 50 پايىزعا دەيٸن ارتتىرۋدى سۇرايمىز», - دەدٸ ل. قوجاحمەتوۆا.
سونىمەن قاتار ول جاستار پراكتيكاسى باعدارلاماسىنا توقتالدى.
«ديپلوم العان جاس ٶزٸندە ەڭبەك ٶتٸلٸ مەن تەجٸريبە بولماعاننان كەيٸن, جۇمىسقا تۇرا الماي جٷرەدٸ. جاستار پراكتيكاسى باعدارلاماسى ارقىلى كەز كەلگەن ۇلتتىق كومپانيياعا, مەملەكەتتٸك مەكەمەگە جۇمىسقا تۇرسا, جۇمىسپەن قامتۋ ورتالىعى ونىڭ 6 ايلىق جالاقىسىن تٶلەيدٸ. وسى مەرزٸمدە سول جەردە ٶزٸن جاقسى كٶرسەتە السا, بۇل مەكەمەلەردە جۇمىسقا قالادى. بٸراق جاستار پراكتيكاسى باعدارلاماسى بويىنشا جۇمىس ٸستەۋگە جاستار قۇلىقسىز. سەبەبٸ ونىڭ جالاقىسى قولعا العاندا 60 مىڭ تەڭگە شاماسىندا. وقۋدى بٸتٸرٸپ كەلگەن جاس جٸگٸت 60 مىڭ تەڭگەگە ٶمٸر سٷرە المايتىندىقتان, بۇل باعدارلامامەن جۇمىسقا بارمايدى. سول سەبەپتٸ جاستار پراكتيكاسى ارقىلى تٶلەنەتٸن جالاقى كٶلەمٸن كٶبەيتۋدٸ سۇرايمىز», - دەدٸ كەڭەس مٷشەسٸ.
