Brakonerlerden 1571 aqbóken múiizi men 513 tutas et alyndy. Ótken jylmen salystyrǵanda, mundai oqiǵalardyń aitarlyqtai ósýi (25 brakonerlik faktisi, 530 múiiz ben 650 tutas et alyndy) memlekettik organdardyń qylmystyq toptardyń jolyn kesýdegi arta túsken jumys úilesimdiligi men ózara is-qimyl jedeldigimen bailanysty.
Ekologiia ministrliginiń habarlaýynsha, jalpy alǵashqy jartyjyldyqta memlekettik inspektorlar tabiǵatty qorǵaý zańnamasyn buzýdyń 3 748 oqiǵasyn anyqtaǵan. Úsh myńnan astam adam ákimshilik jaýapkershilikke, 12 brakoner qylmystyq jaýapkershilikke tartyldy. Bul rette jalpy aiyppul somasy 44 mln teńge, zalal somasy 1,6 mlrd. teńge.
Ótken jylǵy osy kezeńdi salystyrý úshin alsaq, 4 197 oqiǵa anyqtalyp, ákimshilik jaýapkershilikke 3 335 adam, qylmystyq jaýapkershilikke 19 adam tartylǵan. Ol kezdegi jalpy aiyppul somasy 45,6 mln teńge, zalal somasy 870 616,2 myń teńge.
