Áleýmettik jelilerde feik paraqshalar ashyp, brend telefondardy arzan baǵaǵa satamyn dep elorda turǵyndardy aldaǵan 23 jastaǵy jigit ustaldy, dep habarlaidy "Ult aqparat".
«Politseiler internet-alaiaqtyq kúdigimen jergilikti turǵyndy ustady. Ol áleýmettik jelide feik akkaýnttardy quryp, brend telefondardy arzan baǵaǵa jetkizip beretinin jariialaǵan. Atap aitqanda, iPhone smartfondarynyń sońǵy nusqalaryn 200 000 teńgege usynǵan, al shyn máninde bul telefondar aitarlyqtai qymbat turady. Ol áleýmettik jelilerge telefondardyń sýretterin ornalastyryp otyrǵan. Qalanyń eki turǵyny kúdiktiniń quryǵyna túsip qalǵany belgili boldy», - delingen qalalyq Politsiia depatertamentiniń málimetinde.
Anyqtalǵandai, atalǵan eki adam telefondy jetkizip beremin degen kúdiktiniń elektrondy ámiianyna aqshalaryn aýdaryp úlgergen. Alaida taýardyń bar nemese joq ekenin teksermegen.
Qazirgi kezde onyń osy tektes basqa qylmystarǵa qatystylyǵy tekserilýde.
«Jyl basynan beri Nur-Sultan qalasy aýmaǵynda 620 internet-alaiaqtyq tirkeldi, onyń 80 paiyzy onlain saýdaǵa qatysty bolyp otyr», - delingen habarlamada.
