Memleket basshysy Sybailas jemqorlyqqa qarsy is-qimyl agenttiginiń tóraǵasy Oljas Bektenovti qabyldady, dep habarlaidy "Ult aqparat" Aqordaǵa silteme jasap.
Qasym-Jomart Toqaevqa elimizde sybailas jemqorlyqqa qarsy kúres boiynsha qabyldanyp jatqan sharalar jóninde baiandaldy. Atap aitqanda, alty aida 1 200 sybailas jemqorlyqqa qatysty is qozǵalyp, 750 laýazymdy tulǵanyń qylmysy áshkerelendi.
Prezidentke qylmystyq isterdi tergeý barysy jáne keltirilgen shyǵyndy óteý sharalary jóninde aqparat berildi. Sonyń ishinde elden zańsyz jylystatylǵan qarjy aktivterin qaitarý týraly da aityldy.
Oljas Bektenovtiń habarlaýynsha, atalǵan sharalar aiasynda halyqaralyq yntymaqtastyqty keńeitý jumystary jalǵasyp jatyr. Qazaqstannyń Eýropa keńesiniń sybailas jemqorlyq úshin qylmystyq jaýapkershilik jónindegi konventsiiasyna qosylýy, jemqorlardyń kóleńkeli tabystaryn ashý isindegi tiimdi ádisterdiń biri bolmaq.
Budan bólek, Prezidenttiń tapsyrmasyna sáikes Agenttik «Atameken» ulttyq kásipkerler palatasymen birlesip, sheneýnikterdiń bizneske zańsyz aralasýyn boldyrmaý jónindegi qorǵaý tetikteri boiynsha sharalar keshenin ázirledi.
Kezdesý qorytyndysy boiynsha Memleket basshysy Sybailas jemqorlyqqa qarsy qyzmettiń jumysyn kúsheitýge qatysty birqatar tapsyrma berdi.
