Osy jyldyń 4 aiynyń qorytyndysy boiynsha respýblikalyq biýdjetke 1,9 trln somasynda kiris tústi. Bul týraly Úkimet otyrysynda QR Qarjy ministri Erlan Jamaýbaev aitty, dep habarlaidy QazAqparat.
«Osy jyldyń 4 aiynda memlekettik biýdjetke transfertterdi esepke almaǵanda 3 trln 217 mlrd teńge kóleminde kiris kirdi nemese jospar 117% atqaryldy. Respýblikalyq biýdjetke 1,9 trln somasynda kiris tústi nemese jospar 106,7% oryndaldy. Kirister boiynsha jospar 120 mlrd teńgege, onyń ishinde salyq 88 mlrd teńgege asyra oryndaldy», - deidi Erlan Jamaýbaev.
Onyń aitýynsha, asyra oryndaý negizinen importqa salynatyn qosylǵan qun salyǵy, munaiǵa eksporttyq keden bajy jáne korporativtik tabys salyǵy esebinen qamtamasyz etildi.
«Importqa salynǵan qosymsha qun salyǵy boiynsha jospardyń asyra oryndalýy birinshiden, ótken jylǵy I toqsanmen salystyrǵanda úshinshi eldermen import kóleminiń 9,4% ulǵaiýyna bailanysty boldy. Bul rette QHA-dan import aǵymdaǵy jyly I toqsanda 47,4%-ǵa nemese 525 mln dollarǵa, onyń ishinde tek naýryz aiynda 2,2 esege nemese 348 mln dollarǵa artty. Eýraziialyq eonomikalyq odaq elderinen importtalǵan avtokólik quraldarynyń sanynyń 24,3% ulǵaiýyna bailanysty. Shiki munaiǵa eksporttar keden bajynyń mólsherlemesiniń ulǵaiýyna bailanysty boldy. Korparitivtik tabys salyǵynyń asyra oryndalýynyń negizgi sebebi – pandemiianyń ekonomikaǵa keri áser etýine bailanysty ótken jyldyń salyq baǵasynyń tómen bolýy», - deidi ol.
