وسى جىلدىڭ 4 ايىنىڭ قورىتىندىسى بويىنشا رەسپۋبليكالىق بيۋدجەتكە 1,9 ترلن سوماسىندا كٸرٸس تٷستٸ. بۇل تۋرالى ٷكٸمەت وتىرىسىندا قر قارجى مينيسترٸ ەرلان جاماۋباەۆ ايتتى, دەپ حابارلايدى قازاقپارات.
«وسى جىلدىڭ 4 ايىندا مەملەكەتتٸك بيۋدجەتكە ترانسفەرتتەردٸ ەسەپكە الماعاندا 3 ترلن 217 ملرد تەڭگە كٶلەمٸندە كٸرٸس كٸردٸ نەمەسە جوسپار 117% اتقارىلدى. رەسپۋبليكالىق بيۋدجەتكە 1,9 ترلن سوماسىندا كٸرٸس تٷستٸ نەمەسە جوسپار 106,7% ورىندالدى. كٸرٸستەر بويىنشا جوسپار 120 ملرد تەڭگەگە, ونىڭ ٸشٸندە سالىق 88 ملرد تەڭگەگە اسىرا ورىندالدى», - دەيدٸ ەرلان جاماۋباەۆ.
ونىڭ ايتۋىنشا, اسىرا ورىنداۋ نەگٸزٸنەن يمپورتقا سالىناتىن قوسىلعان قۇن سالىعى, مۇنايعا ەكسپورتتىق كەدەن باجى جەنە كورپوراتيۆتٸك تابىس سالىعى ەسەبٸنەن قامتاماسىز ەتٸلدٸ.
«يمپورتقا سالىنعان قوسىمشا قۇن سالىعى بويىنشا جوسپاردىڭ اسىرا ورىندالۋى بٸرٸنشٸدەن, ٶتكەن جىلعى ٸ توقسانمەن سالىستىرعاندا ٷشٸنشٸ ەلدەرمەن يمپورت كٶلەمٸنٸڭ 9,4% ۇلعايۋىنا بايلانىستى بولدى. بۇل رەتتە قحا-دان يمپورت اعىمداعى جىلى ٸ توقساندا 47,4%-عا نەمەسە 525 ملن دوللارعا, ونىڭ ٸشٸندە تەك ناۋرىز ايىندا 2,2 ەسەگە نەمەسە 348 ملن دوللارعا ارتتى. ەۋرازييالىق ەونوميكالىق وداق ەلدەرٸنەن يمپورتتالعان اۆتوكٶلٸك قۇرالدارىنىڭ سانىنىڭ 24,3% ۇلعايۋىنا بايلانىستى. شيكٸ مۇنايعا ەكسپورتتار كەدەن باجىنىڭ مٶلشەرلەمەسٸنٸڭ ۇلعايۋىنا بايلانىستى بولدى. كورپاريتيۆتٸك تابىس سالىعىنىڭ اسىرا ورىندالۋىنىڭ نەگٸزگٸ سەبەبٸ – پاندەمييانىڭ ەكونوميكاعا كەرٸ ەسەر ەتۋٸنە بايلانىستى ٶتكەن جىلدىڭ سالىق باعاسىنىڭ تٶمەن بولۋى», - دەيدٸ ول.
