Jyl basynan beri koronavirýs juqtyrǵan qazaqstandyqtardyń sany 250 myńǵa jetken. Bul týraly QR Densaýlyq saqtaý ministri Ajar Ǵiniiat Úkimet otyrysynda aitty, dep habarlaidy QazAqparat tilshisi.
«Respýblikada koronavirýs infektsiiasy boiynsha epidemiologiialyq jaǵdai kúrdeli, biraq sońǵy aptada aldyńǵy aptamen salystyrǵanda jaǵdai turaqtanyp keledi.
Jyl basynan beri respýblikada 250 myńnan astam adam koronavirýs infektsiiasymen aýyrdy, sońǵy aptadaǵy jaǵdailardyń ortasha táýliktik kórsetkishi 8 myńǵa deiin jetti», - dedi vedomstvo basshysy.
Onyń sózine qaraǵanda, epidahýaldy baǵalaý matritsasynda búkil respýblika jáne 14 óńir «qyzyl» aimaqta tur. Qyzylorda oblysy men Shymkent qalasy «sary» aimaqqa ótip, Túrkistan oblysy «jasyl» aimaqqa shyqty.
Qańtar aiynda KVI-dan ólim-jitim deńgeii jeltoqsanmen salystyrǵanda 1,3 esege tómendegen.
«Sońǵy eki aptada koronavirýs infektsiiasymen syrqattanýshylyq deńgeii 2,4 ese ósti. Bul rette aýrýdyń eń kóp ósýi Soltústik Qazaqstan, Aqmola, Qostanai jáne Shyǵys Qazaqstan oblystarynda baiqalady (6 ese).
Syrqattanýshylyq 7 óńirde: Batys Qazaqstan, Qaraǵandy, Aqtóbe, Jambyl, Almaty, Atyraý oblystarynda jáne Almaty qalasynda 2-den 6 esege deiin ósti. Mańǵystaý, Túrkistan, Qyzylorda oblystarynda jáne Nur-Sultan jáne Shymkent qalalarynda 2 esege deiin ósim baiqaldy», - dedi Ajar Ǵiniiat.
Osyǵan bailanysty ministr jergilikti atqarýshy organdarǵa halyqtyń arasynda KVI profilaktikasy sharalary týraly aqparattyq-túsindirý jumystaryn jalǵastyrý qajettigin aitty.
