Qazaqstan Respýblikasyna kelip jatqan Resei azamattarynyń artýyna bailanysty Ishki ister ministrliginiń Kóshi-qon qyzmeti resmi túrde málimdeme jasady, - dep habarlaidy "Ult aqparat" Polisia.kz saityna silteme jasap.
"Qazaqstanda migranttardyń kelýi men bolýy Kóshi-qon baqylaýynda. Sheteldikterdiń Qazaqstanda bolý tártibi zańmen retteledi. Birde-bir shetel azamaty kóshi-qon zańnamasynyń talaptaryn oryndamai, memleketimizdiń aýmaǵynda bolýǵa quqyǵy joq.
Eýraziialyq ekonomikalyq odaqqa múshe memleketterdiń azamattary úshin Qazaqstan Respýblikasynda bolýdyń ruqsat etilgen merzimi memlekettik shekaradan ótken kúnnen bastap, ortaq ereje boiynsha 90 kúnnen keiin aiaqtalady", - dedi IIM Kóshi-qon qyzmeti komiteti tóraǵasynyń mindetin atqarýshy Aslan Atalyqov.
Onyń aitýynsha, migranttardy tirkeýdi ishki ister organdary qabyldaýshy taraptardyń málimetteri men Qazaqstan Respýblikasynyń Ulttyq qaýipsizdik komitetiniń sheteldikterdiń kirýi men shyǵýyn esepke alatyn Memlekettik shekara arqyly ótkizý pýnktterinen biryńǵai derekqorǵa ýaqtyly túsetin málimetteri negizinde júrgiziledi.
"Statistikaǵa súiensek, biyl Qazaqstanǵa 4,3 millionǵa jýyq sheteldik kelse, 4,1 milliony ketken, onyń ishinde 1 660 000 Resei Federatsiiasynyń azamaty kelgen jáne 1 640 000 ketken.
Olardyń ýaqytsha bolýy esepte. Árqaisynyń tólqujat derekteri men kirý kúnderi, olar týraly tolyq aqparat bar. Kóshi-qon protsesterine monitoring júrgizilip jatyr. Ishki ister organdary kelýshilerdiń belgilengen bolý erejeleriniń saqtalýyn baqylaidy.
Sheteldiktiń elde bolý merzimi aiaqtalsa, oǵan qatysty zańda kózdelgen sharalar qoldanylady. Baqylaý barysynda kóshi-qon zańnamasyn buzǵan 45 700 adam ákimshilik jaýapkershilikke tartylyp, onyń 4200-i májbúrli túrde Qazaqstannan shyǵaryldy. Onyń ishinde kóshi-qon zańnamasyn buzǵan 3200 reseilik jaýapqa tartylǵan. Bul - elge kelgen Resei Federatsiia azamattarynyń tek nól bútin onnan eki paiyzy", - dedi Atalyqov.
Vedomstvo málimetinshe, bul statistika olardyń Qazaqstanda bolý sharttaryn saqtaý tártibin kórsetedi. Eger ony buzǵan jaǵdaida Qazaqstannan májbúrlep shyǵarý 5 jyl merzimge elimizge qaita kirýge tyiym salý túrindegi qosymsha sanktsiiany qarastyrady.
"Sol siiaqty ishki ister organdary sheteldikterdiń Qazaqstanda bolý tártibiniń saqtalýyn ýaqytsha turýǵa berilgen ruqsat negizinde baqylaidy.
Sheteldikke Qazaqstan Respýblikasynda ýaqytsha turýǵa ruqsat zańda kózdelgen eńbek sharty, oqý, emdelý jáne basqa da jan-jaqty negizderde bolý quqyǵy beriledi. Kóshi-qon qyzmeti olardyń turǵylyqty mekenjaiy, turǵyn úidiń iesi jáne onda turatyn sheteldikter týraly tolyq aqparat boiynsha immigratsiialyq baqylaýdy qamtamasyz etedi.
Shekarany zańsyz ótýge, el aýmaǵynda tirkeý úshin qujattardy resimdeý tártibin buzýǵa bailanysty kez kelgen jaǵdai Qazaqstan Respýblikasynyń zańnamasyna sáikes joly kesiledi.
QR Kóshi-qon qyzmeti shtattyq rejimde jumys istep jatyr. Sheteldikterdiń, ýákiletti memlekettik jáne quqyq qorǵaý organdarynyń zańdylyqty saqtaýyn baqylaý júrgizilip jatyr", – dedi IIM Kóshi-qon qyzmeti komiteti tóraǵasynyń mindetin atqarýshy Aslan Atalyqov.
