Qazaqstanda jyl basynan beri 2600 jol-kólik oqiǵasy bolyp, 410 adam kóz jumǵan. Bul týraly IIM Ákimshilik politsiia komitetiniń tóraǵasy Atyǵai Arystanov aitty, dep habarlaidy QazAqparat.
«Keiingi 5 jylda jyl saiyn 2 myńnan astam adam jol-kólik oqiǵasynan kóz jumady, 20 myńnan astam adam jaraqat alady. Jyl basynan beri 2600 jol-kólik oqiǵasy boldy. Sonyń ishinde, ókinishke qarai, 3500 adam túrli jaraqat aldy. Ol da ońai emes», - dedi spiker .
Onyń málimetinshe, biyldyqqa jyldamdyqty shekten tys asyrýdan 758 jol-kólik oqiǵasy oryn alǵan.
«Úsh ai ishinde 465 jol-kólik oqiǵasy balalardyń qatysýymen bolǵan», - dedi Arystanov.
Sondai-aq, komitet tóraǵasy esepti kezeńde 1,2 millionnan astam jol qozǵalysy erejelerin buzýshylyqtyń joly kesilip, 74 myńǵa jýyq júrgizýshi jaýapkershilikke tartylǵanyn jetkizdi. Al jolaýshylar men júkterdi tasymaldaý, qaýipsizdik beldigin paidalaný erejelerin saqtamaǵany úshin 56 myń júrgizýshige aiyppul salynǵan.
«Kólikti mas kúiinde basqarǵany úshin 5,7 myńǵa jýyq júrgizýshi ustaldy. Jyl basynan beri 290 adam júrgizýshi kýáliginen ómir boiyna aiyryldy», - dedi Atyǵai Arystanov.
Buǵan deiin Ishki ister ministrligi Jyl basynan beri 450 bala jol-kólik apatynan zardap shekkenin málim etken bolatyn.
