قازاقستاندا جىل باسىنان بەرٸ 2600 جول-كٶلٸك وقيعاسى بولىپ, 410 ادام كٶز جۇمعان. بۇل تۋرالى ٸٸم ەكٸمشٸلٸك پوليتسييا كوميتەتٸنٸڭ تٶراعاسى اتىعاي ارىستانوۆ ايتتى, دەپ حابارلايدى قازاقپارات.
«كەيٸنگٸ 5 جىلدا جىل سايىن 2 مىڭنان استام ادام جول-كٶلٸك وقيعاسىنان كٶز جۇمادى, 20 مىڭنان استام ادام جاراقات الادى. جىل باسىنان بەرٸ 2600 جول-كٶلٸك وقيعاسى بولدى. سونىڭ ٸشٸندە, ٶكٸنٸشكە قاراي, 3500 ادام تٷرلٸ جاراقات الدى. ول دا وڭاي ەمەس», - دەدٸ سپيكەر .
ونىڭ مەلٸمەتٸنشە, بيىلدىققا جىلدامدىقتى شەكتەن تىس اسىرۋدان 758 جول-كٶلٸك وقيعاسى ورىن العان.
«ٷش اي ٸشٸندە 465 جول-كٶلٸك وقيعاسى بالالاردىڭ قاتىسۋىمەن بولعان», - دەدٸ ارىستانوۆ.
سونداي-اق, كوميتەت تٶراعاسى ەسەپتٸ كەزەڭدە 1,2 ميلليوننان استام جول قوزعالىسى ەرەجەلەرٸن بۇزۋشىلىقتىڭ جولى كەسٸلٸپ, 74 مىڭعا جۋىق جٷرگٸزۋشٸ جاۋاپكەرشٸلٸككە تارتىلعانىن جەتكٸزدٸ. ال جولاۋشىلار مەن جٷكتەردٸ تاسىمالداۋ, قاۋٸپسٸزدٸك بەلدٸگٸن پايدالانۋ ەرەجەلەرٸن ساقتاماعانى ٷشٸن 56 مىڭ جٷرگٸزۋشٸگە ايىپپۇل سالىنعان.
«كٶلٸكتٸ ماس كٷيٸندە باسقارعانى ٷشٸن 5,7 مىڭعا جۋىق جٷرگٸزۋشٸ ۇستالدى. جىل باسىنان بەرٸ 290 ادام جٷرگٸزۋشٸ كۋەلٸگٸنەن ٶمٸر بويىنا ايىرىلدى», - دەدٸ اتىعاي ارىستانوۆ.
بۇعان دەيٸن ٸشكٸ ٸستەر مينيسترلٸگٸ جىل باسىنان بەرٸ 450 بالا جول-كٶلٸك اپاتىنان زارداپ شەككەنٸن مەلٸم ەتكەن بولاتىن.
