2022 jyl bastalǵaly beri elimiz boiynsha 600-den astam páter tonaýshy ury ustaldy. Bul týraly QR IIM Kriminaldyq politsiia departamentiniń asa mańyzdy ister jónindegi aǵa jedel ýákili Saǵyndyq Jantemirov málim etti, dep habarlaidy QazAqparat.
«Páter urlyǵy nemese úidi tonaý qylmysymen kúresý maqsatynda bizdiń ministrlik zańnamany jetildirip, birqatar praktikalyq shara qabyldap jatyr. Taldaý nátijesi kórsetip otyrǵandai páter urylarynyń deni buryn isti bolǵan nemese jasaǵan urlyǵy keshirilgen jandar. Osy oraida 2018-2019 jyldary elimizdiń qylmystyq kodeksine ózgerister men tolyqtyrýlar engizildi. Oǵan sáikes páter urlyǵyn jasaý qaitalansa aýyr qylmys bolyp esepteledi. Sol siiaqty aiyptynyń kinási dáleldengen jaǵdaida 7 jylǵa deiin bas bostandyǵynan aiyrylady», - dedi Saǵyndyq Jantemirov IIM-de ótken baspasóz máslihatynda.
Onyń aitýynsha, páter urlyǵynyń aldyn alý men qylmys barysyn ashýda beinebaqylaý kameralary taptyrmas qural.
«Búginde elimiz boiynsha kópqabatty úi aýlalarynda 68 myńnan astam beinebaqylaý kamerasy ornatylǵan. Odan bólek 22 myńnan astam beinebaqylaý kamerasyn turǵyndardyń ózderi ornatty. Qabyldanyp jatqan sharalardyń nátijesinde atalǵan qylmys túrimen kúres óz nátijesin berip jatyr. Jyl basynan beri el aýmaǵynda 600-den astam páter urysy ustaldy. Sonymen qatar 29 qylmystyq top quryqtaldy. Onyń ishinde 36 kóshpeli ury bar. Iaǵni ár qalaǵa baryp páter tonaýshylar», - deidi ol.
